ដំណើរទស្សនកិច្ច វិទ្យាល័យ ២៨ មករា ដែលបានជាប់ស្តង់ដាសាលារៀនមានប្រសិទ្ធភាព

សៀមរាប ៖ ដំណើរទស្សនកិច្ច និងសំណេះសំណាល វិទ្យាល័យ ២៨ មករា ដែលជាសាលារៀនស្តង់ដាដែលមានប្រសិទ្ធភាពខ្ពស់ ក្រោមអធិបតីភាព ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រី ក្រសួង អប់រំ យុវជន និង កីឡា អមដំណើរ ដោយ ឯកឧត្តម លោកជំទាវ ថ្នាកដឹកនាំ នាយកដ្ឋានជំនាញ និង មន្ដ្រីអប់រំ ជាច្រើនរូបផងដែរ។

គួរលើកសរសើរផងដែលនៅផលសម្រេចរបស់វិទ្យាល័យរយៈពេល២ឆ្នាំ ក្នុងការអនុវត្តការគ្រប់គ្រងតាមសាលារៀន(កិច្ចការចំនួន៦) ៖

១.ការធ្វើតេស្តស្តង់ដាដើមឆ្នាំ និងប្រចាំខែ

២.ការធ្វើផែនការកែលម្អសាលារៀន (ផ្អែកលើលទ្ធផលតេស្តស្តង់ដា)

៣.ការធ្វើកិច្ចព្រមព្រៀងលទ្ធផលប្រចាំឆ្នាំរបស់គ្រូបង្រៀន និងគណៈនាយក (ផ្អែកលើសូចនាកផែនការ និងលទ្ធផលតេស្តដើមឆ្នាំ)

៤.ការប្រជុំពិនិត្យតាមដានប្រចាំខែដឹកនាំដោយនាយកសាលារៀន និងប្រចាំត្រីមាសដោយគណៈកម្មការគ្រប់គ្រងសាលារៀន

៥.ការធ្វើស្វ័យវាយតម្លៃលទ្ធផលប្រចាំឆ្នាំរបស់គ្រូបង្រៀន និងគណៈនាយក (ផ្អែកលើលទ្ធផលនៃការអនុវត្តកិច្ចព្រមព្រៀង)

៦.ការធ្វើអធិការកិច្ចការបង្រៀនរបស់គ្រូមុខវិជ្ជា ការគ្រប់គ្រងទិន្នន័យថ្នាក់រៀនរបស់គ្រូទទួលបន្ទុកថ្នាក់ និងការគ្រប់គ្រងសាលា៕

ឯកឧត្តមបណ្ឌិតសភាចារ្យ​រដ្ឋមន្ដ្រី​ ក៏​បាន​មាន​ប្រសាសន៍ លើក​សរសើរ​ពី​ការ​ចូលរួម​ជា​ធ្លុង​មួយ​របស់​គ្រប់​ជាន់​ថ្នាក់ គ្រប់​ភាគី​រហូត​អាច​សម្រេច​បាន​លទ្ធផល​ដ៏​ល្អ​នេះ និង​លើក​ទឹកចិត្ត​ដល់​គណៈ​គ្រប់គ្រង​សាលា លោកគ្រូ​អ្នកគ្រូ ឲ្យ​បន្ត​ប្រឹងប្រែង​ និង​ប្ដេជ្ញា​ចិត្ត លើ​ការ​បំពេញ​ការងារ​​បន្ថែម​ទៀត។ ​

៣០ មករា ២០២១ | ខេត្តសៀមរាប