ថ្ងៃទី១៦ ខែកុម្ភៈ ឆ្នាំ២០២១| ក្រសួងអប់រំ យុវជន និងកីឡា

ពិធីចុះហត្ថលេខាលើកិច្ចព្រមព្រៀងរវាងអង្គការយូណេស្កូ និងក្រុមហ៊ុនស្មាតអាស្សាតា ក្នុងការអនុវត្តកម្មវិធីសមមូលអប់រំកម្រិតមូលដ្ឋានតាមអ៊ីនធឺណិត (ប៊ីប)

ក្រសួងអប់រំ យុវជន និងកីឡា៖ ក្រុមហ៊ុនស្មាតអាស៊ាតា បានចូលរួមយ៉ាងសកម្មក្នុងការឧបត្ថម្ភ ដល់ការអនុវត្តកម្មវិធីសមមូលអប់រំកម្រិតមូលដ្ឋានតាមអ៊ីនធឺណិត (BEEP) ដែលរាប់ចាប់តាំងពីដំណាក់កាលទី១ គិតពី ឆ្នាំ ២០១៧ - ២០១៨។ នេះជាដំណាក់កាលទីពីរដែលក្រុមហ៊ុនស្មាតអាស៊ាតា បានបន្តជួយឧបត្ថមទាំងសម្ភារៈ និងបណ្តាញអ៊ីនធឺណិត  ដែលដំណាក់កាលទីពីនេះមានរយៈពេល ២ឆ្នាំ ពីឆ្នាំ ២០២១ ដល់ឆ្នាំ ២០២២។

ពិធីចុះហត្ថលេខាលើកិច្ចព្រមព្រៀងរវាងអង្គការយូណេស្កូ និងក្រុមហ៊ុនស្មាតអាស្សាតា នេះ បាន ប្រព្រឹត្ត ទៅ ក្រោម អធិបតីភាព ឯកឧត្តមបណ្ឌិតសភាចារ្យ ហង់ ជួន ណារ៉ុន  រដ្ឋមន្រ្តីក្រសួងអប់រំ យុវជន និងកីឡា ឯកឧត្តមបណ្ឌិត ពេជ សោភ័ន រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការនៃក្រសួងការងារ លោក Sardar Mumar Alam តំណាងអង្គការ UNESCO ប្រចាំព្រះរាជាណាចក្រកម្ពុជា លោក Thomas Hundt នាយកប្រតិបត្តិនៃក្រុមហ៊ុន Smart Axiata ប្រចាំព្រះរាជាណាចក្រកម្ពុជា និងលោកស្រី Nadia Otigger នាយករងនៃ ទីភ្នាក់ងារស្វ៊ីសដើម្បីការអភិវឌ្ឍន៍និងសហប្រតិបត្តិការ (SDC) ប្រចាំព្រះរាជាណាចក្រកម្ពុជា។