Սիվիլնեթի «Տրոփ» ծրագրէն UCLA-ի Հայագիտական ամպիոնի դասախօս Յակոբ Կիւլլիւճեան Աբօ Պողիկեանին հետ զրոյցի ընթացքին անդրադարձաւ հայերէնը իբրեւ մէկ լեզու գիտակցելու կարեւորութեան։ Զրոյցի ընթացքին շօշափուեցան նաեւ այլ նիւթեր, ինչպէս՝  արեւմտահայերէնը առանձին, անկախ լեզու մը չէ, թարգմանական աշխատանքներու նպաստը լեզուի հարստացման մէջ, արեւմտահայերէնին պետական յատուկ կարգավիճակ ստանալու օգտակարութիւնը, սփիւռքահայու ինքնութեան տագնապը։