Mein tumhe aksar, baat baat par

Ye sunata rehta hun, ki yahan se bichde,

To fir ye dosti, ghar ke daraaj me rakhi, un kitabon ki tarah ho jayegi,

Jinhe ek hum ek baar padne ke baad, bahar nikalte nahin, barson tak

Ye sun, tum khafa ho jati ho,

Aur maan leti ho, ki yaa to mujhe is dosti par ya tum par, vishwas nahin hai

Mein ye bata dun, ki baat yahan par vishwas ki nahin hai,

Tum aaj bhi vo kitaab ho,

Jiska har ek panna, mujhe roz padhna pasand hai,

Aur is liye mein use daraz mein rakhne se darta hun.

Kyu ki daraz mein rakhi kitaabein, ek baar padhne ke baad,

Sirf unke upar se dhul miti saaf karne ke liye hi bahar nikalti hai,

Aur tumhari dosti ko mein, kisi purani kitaab ke aakhiri panno par likhi hui apni koi khubsoorat shayari ki tarah,

Likh kar bhul jane se darta hun,

Yahan bat vishwas ki nahin hai dost,

Dar ki hai