1. Dr Geraldine Mukeshimana utegeka Minagri twamunenze byinshi yagiye abeshya mu nyungu za FPR, ariko ntagomba kwikorezwa urusyo azira amakosa y‘abategeka ibigomba gukorwa, batanga umurongo ntakuka FPR igenderaho. Turareba ikibazo cy‘imbuto m'u Rwanda niba ariwe kigomba kubazwa.

2. Kagame yabaye nyirakazihamagarira. Ibibazo biri imbere mu gihugu  ntashobora kubirokoka. Kandi usibye nawe, nta n‘undi munyapolitiki  wabirokoka ukurikije uko biteye ubu. Turabaha ingero.

3. Ibibazo bimugose kandi yiteye ubwe yabuze aho ahera abikemura kuko byarazambye. Ingero ni nyinshi, ireme ry‘uburezi bahora barishyira imbere mu bigomba gukemurwa ariko ryarananiranye. Ikibazo cy‘imbuto, ikibazo cy‘umusoro w‘ubutaka, ikibazo cya Made in Rwanda, imisoro ihanitse, ikibazo cyo gufungura urubuga rwa politiki, etc… byose biboneka ko system ya FPR yafashe icyerekezo kibi, ikibazo  Kagame ari kurwana na cyo kikaba  ari ugusubira inyuma ntagisebo.