讀樂樂 - 與你一起分享讀書的快樂 (廣東話)

書名：《論生命之短暫》
作者：塞內卡（Lucius Annaeus Seneca）

我哋成日話人生太短，但塞內卡喺《論生命之短暫》一開始就提出另一個角度：生命未必本來就太短，可能只係我哋將太多時間交咗出去。

今集想同大家分享呢本接近二千年前寫成、但今日讀起來依然好貼身嘅作品。

塞內卡由權力、工作、野心、享樂，一路講到我哋最常做嘅一件事——將真正想過嘅生活推去「遲啲」。等忙完先、等退休先、等有時間先……但未來從來冇人可以保證，而今日卻一路流走。

今集我哋會一齊睇下：

點解一個人可以忙足一世，仍然未必真正活過？

點解權力、成功，甚至休息同學問，都可能令人失去自己嘅時間？

而塞內卡所講真正嘅「閒暇」，究竟又係乜？

去到最後，可能最值得問自己嘅，已經唔係「我仲有幾多時間」，而係：

我而家擁有嘅時間，究竟想留畀乜嘢？

書名：《人類最後的工作：在AI浪潮下，最難被取代也最受威脅的工作能力》
作者：艾莉森・普格（Allison Pugh）

矽谷一間實驗學校，一屋細路戴住耳機，對住電腦學嘢。

有個六歲嘅紅頭髮男仔做啱咗一題，舉起手嗌咗一聲「Yes!」，然後四圍望。

冇人望佢。

呢一幕出自《人類最後的工作》。作者用五年時間，訪問超過一百位醫生、老師、治療師、院牧同髮型師，為一種一直冇名字嘅工作改咗個名：連結性勞動——睇見另一個人，並且讓佢知道自己被睇見。

呢本書最特別嘅地方，係佢嘅方向同大部分講 AI 嘅書啱啱掉轉。一般嘅講法係：機器越嚟越勁，所以人類危險。佢話：我哋先把呢份工磨蝕到近乎冇嘢剩，然後「畀部機做」先顯得合理。

呢一集，我地一齊睇下：點解有醫院嘅虛擬護理師，會有七成四病人話寧願要部機？倦怠係咪真係因為關係太多？一間診所點樣把診症時間由十五分鐘拉長到兩個鐘？而喺一個 AI 越做越多嘅世界，淨低畀人類做嘅會係咩？

書名:《北歐時間：世界第一幸福國度教會我的事》作者: 日暮Inko今日我地要睇嘅呢本書嘅作者曾經係東京一名身心俱疲的上班族，移居丹麥後發現，北歐人之所以年年高踞全球幸福榜，關鍵不在收入或成就，而在「時間的使用方式」。

從「8・8・8規則」、善待自己的內心語言、每天只做三件事，到北歐的Hygge與睡前三件感恩小事，本集整理書中適合高壓城市人的實用提示——就算做不到下午四點收工，我們仍能在忙碌裡，為自己偷回一格慢下來的時間。

書名: 《業餘愛好的力量：過度努力時代的快樂指南》作者: Karen Walrond

過度努力嘅時代，我哋係咪已經唔識得——淨係為咗鍾意，去做一件事？

今集《讀樂樂》同大家睇下 Karen Walrond 嘅書 In Defense of Dabbling（中文版《業餘愛好的力量：過度努力時代的快樂指南》）。作者用咗十八個月，刻意去做一個「業餘者」——學陶藝、游水、彈琴、衝浪、影銀河，唔為精通、唔為賺錢，淨係為咗喜悅。

佢由 amateur 呢個字嘅本義（原來係「愛」）講起，帶出「有意識的業餘主義」七大特質：好奇、正念、自我慈悲、玩、伸展區、連結、敬畏。如果你成日覺得「做嘢一定要有成果」，或者心底有一件想試好耐、又驚獻醜嘅事——呢一集，或者係畀你嘅一張溫柔許可證。

書名: 《掌握市場週期》

作者: Howard Marks

連牛頓都喺南海泡沫輸身家？《掌握市場週期》下集，我地會同你行入泡沫現場：一開一關、決定公司生死嘅信貸窗口；牛市三階段同「最後嘅傻瓜」；雷曼爆煲後每星期投資五億美元嘅膽識。馬克斯話，你唔使預測未來——學識同市場「探熱」、知道自己企喺鐘擺邊一邊，然後喺真正極端嗰陣先出手。

最後仲有一句留俾所有普通人嘅話：「訣竅是設法活下來！」

書名: 《掌握市場週期》

作者: Howard Marks 霍華．馬克斯點解我哋成日高位追、低位殺？呢兩集我地同你讀下橡樹資本創辦人霍華．馬克斯嘅《掌握市場週期》。上集由一個黑白波嘅賭局講起：連大師都話估唔到未來，噉優勢喺邊度嚟？點解個鐘擺唔肯停喺中間？由貪婪同恐懼嘅循環、銀行「競相比爛」嘅瘋狂，講到全書最警世嗰句——「投資風險最大的來源是相信沒有風險」——仲有金融海嘯低谷嗰場「如果仲衰啲呢？」嘅退休基金對話。啱晒想喺大上大落嘅市況入面，搵返一份冷靜嘅你。

書名: 《這才是心理學！》

作者: 史坦諾維奇 Keith E. Stanovich

點解一封投資通訊可以連續四次估中股市走勢？點解一個百分之九十五準確嘅檢測，陽性結果真正代表患病嘅機率，可能只有百分之二？

我地今集會由實驗室研究講到真實生活，再拆解證據交集、多重原因、交互作用、基本比率、樣本大小、賭徒謬誤、幻覺相關，同人類對巧合嘅迷戀。

我哋亦會由《魔球》嘅棒球故事，了解點解固定統計方法有時比專家直覺更可靠；最後再跟住作者，分辨科學心理學、自助產業同偽科學之間嘅界線。

科學未必會為每件事提供一個完美答案，但佢教我哋點樣面對不確定、接受可能出錯，並一步一步行近真相。

書名: 《這才是心理學！》

作者: 史坦諾維奇 Keith E. Stanovich一套理論如果可以解釋所有結果，究竟係非常厲害，定係根本無法接受檢驗？

今集會由十八世紀醫生班傑明．若許嘅放血療法開始，拆解科學心理學最重要嘅思考工具：可證偽性、系統實徵主義、操作性定義、信度與效度、個案見證、相關與因果，以及實驗控制。

我哋亦會認識「神馬漢斯」點樣令人誤以為一匹馬識計數，以及一種曾經為自閉症家庭帶來希望嘅溝通方法，點樣喺受控制研究中揭示出另一個答案。

今集想同大家一齊思考：一個故事令人信服，係咪就足以證明一個理論成立？真正可靠嘅知識，又需要經過幾多次比較、質疑同修正？

2026年6月，藝術家David Hockney離世，享年88歲。今集《讀樂樂》分享佢同老朋友、藝評人Martin Gayford合著嘅《Spring Cannot be Cancelled》：81歲嘅Hockney搬入法國諾曼第農舍，準備畫低春天嘅來臨，點知遇上世紀疫症。封城之中，佢日日畫畫，仲將作品送上報紙頭版，話畀全世界知——春天不能取消。呢集會講佢嘅樂園生活、「識睇」嘅本事，同埋「藝術係現在」嘅快樂哲學。唔識藝術都聽得明，仲可能會好想即刻抬頭望吓天。

我哋每日都話自己「上網」，但今日嘅網際網路，仲係一個由人自由連結、共同建立嘅網絡嗎？定係已經變成由少數大型公司安排內容、制定規則嘅平台？

今集會繼續分享赫特．洛芬克嘅《困在社群平台》。

我哋會由網絡同平台嘅分別講起，看看平台點樣用方便、推薦同演算法，慢慢掌握我哋每日睇到啲咩、回應啲咩，以及將注意力放喺邊度。

書中亦談到取消文化。當一個人被封鎖、圍攻，甚至由畫面上消失，背後嘅制度問題係咪就真正得到解決？作者提醒我哋，真正重要嘅，係證據、調查、機構責任，以及願意花時間進行對話。

去到最後，我哋會講作者提出嘅幾個出路，包括「平台出走」、「有組織的網絡」、分權式社群、去自動化同網路棄成長。

作者冇提供一份簡單嘅數位排毒清單。佢邀請我哋將問題由：

「我點樣令自己少滑一陣？」

慢慢轉成：

「我哋希望一齊生活喺一個點樣嘅數位世界？」

另一種網際網路未必有完整地圖，但可能由一小群人建立信任、分享資源，同一齊決定「我哋應該點做」開始。