Go duojár ieš šaddá dutkin. Dán Podcastas oahpásmuvat Gunvor Guttormii ja su mátki allaskuvlla duodjeprofessoran. Dálá álgoálbmotdutkamis lea guovddážis ahte álgo-čearddat ieža galget beassat dutkat iežaset kultuvrraid dan máhtu ja vásáhusaid bokte mat álbmogis alddis leat. Sámi oktavuođas duodji ovddasta fágasuorggi mas sápmelaččas lea sihke teorehtalaš ja praktihkalaš čehppodat mii boahtá ávkin dutkamis.