Yn y bennod hon mae Prif Weithredwr ColegauCymru Iestyn Davies yn cynnal trafodaeth ynghylch ein chweched thema, ‘Dyfodol addysg bellach a her y Gymraeg’. Yn ymuno ag ef y mae Prif Weithredwr Grŵp Llandrillo Menai, Dafydd Evans a Rheolwr Academaidd Y Coleg Cymraeg Cenedlaethol, Dr Lowri Morgans.

Fel rhan allweddol o fywyd Cymru, mae ystyriaethau o'r Gymraeg yn rhedeg drwy bob un o bum thema bolisi ColegauCymru. Amlygir yr agwedd Gymraeg o bob thema, a sut y gall Llywodraeth nesaf Cymru gefnogi'r sector addysg bellach i barhau i ddarparu darpariaeth a chymorth drwy gyfrwng y Gymraeg.