In hierdie FOKUS-episode gesels Elza Meyer oor die verskil tussen God se algemene wil — wat Hy vir álmal openbaar in Sy Woord — en Sy spesifieke wil vir elke individu se unieke situasies. Sy deel hoe ons die Bybel kan gebruik om God se algemene opdragte te verstaan, maar ook hoe die Heilige Gees ons lei in persoonlike besluite en lewenskeuses wat nie altyd direk in die Skrif opgeteken is nie. Elza verduidelik hoe ons “geestelike brille” gevorm word deur ons agtergrond, ervarings en vooropgestelde idees, en hoe dit ons vermoë om God se wil te onderskei, kan beïnvloed. ’n Praktiese en insiggewende gesprek vir almal wat wil groei in geestelike onderskeiding.