अमेरिकी अनुदान सहायता एमसीसी परियोजनाले सत्तारुढ गठबन्धनमा चर्को मतभेद निम्त्याएको छ । सत्तारुढ गठबन्धनमा कांग्रेसले जसरी पनि एमसीसी पारित गर्न चाहने, एमालेले त्यसैका नाममा संसद अवरुण गर्ने र माओवादी तथा नेकपा एकिकृत समाजवादी संशोधन नगरि पारित गर्न नहुने अडानले नेपाली राजनीति फेरि अन्यौलताको भुमरीमा परेको छ । कांग्रेसले गठबन्धन तोडेर भएपनि एमालेको सहयोगबाट एमसीसी पारित गर्ने रणनीति बनाएपछि माओवादी झस्किएको छ । माओवादीले बरु गठबन्धन छाड्ने तर एमसीसी पारित गर्न सरकारलाई सघाउन नसकिने बताउँदै आएको छ । यसले स्थानीय तहको चुनावसम्मै गठबन्धन लैजाने सत्तारुढ दलहरुको बोलीमा शंशय थपिएको छ । खासगरी माओवादीले लिएको अडानले गर्दा गठबन्धन नै टुट्ने हो कि भन्ने चिन्ता पनि थपिएको छ । आखिर माओवादी एमसीसीको यति धेरै विरोध किन गरिहेको छ त ? यस विषयमा माओवादी स्थायी कमिटी सदस्य देव गुरुङसँगको कुराकानी ।