228的時陣，連續休睏幾偌工，我看天氣袂䆀，就揣水某跟查某囝參詳，拜六透早駛車去拉拉山的恩愛農場看櫻花。舊年6點出發，駛到山頂差不多8點左右，結果人傷濟，交通管制，根本駛不進去，只好駛較山跤一點仔，已經賰無偌濟花的櫻木花道，沒魚蝦嘛好啦！今年看會使較早出發無？水某講傷早伊爬袂起來，拜六時仔人傷濟，揣上班時間去人較少。

水某講換今仔日拜四七點出發，結果伊仝款爬袂起來，只好賰我跟查某囝兩人家己上山。查某囝拿到駕照了後，猶毋捌駛過山路，拉拉山走北橫，兩點多鐘的山路拄仔好會使予伊試看覓。