Eva Rodríguez Míguez é catedrática da Universidade de Vigo, doutora en Economía e investigadora especializada en Economía da Saúde e calidade de vida. Participa en numerosos proxectos de investigación, conta cunha destacada traxectoria internacional e foi recoñecida con premios como o da Asociación de Economía da Saúde. O seu traballo céntrase na medición da saúde, a dependencia, a equidade sanitaria e, recentemente, nos custos da soidade non desexada e na avaliación da calidade dos coidados a persoas dependentes.