Fa dètz ans, i aguèt un recampament dels particulars dins la carrièra del Taur, al còr de vila de Tolosa. Un atropament compausat de militants occitanistas del canton mas tanben d’elegits municipals e regionals venguèron celebrar un acte immobiliari dels banals : la crompa d’un sulhet ! Mas aquel sulhet èra pas qualque sulhet que siá… Èra lo sulhet de la primièra botiga Macarel dins la vila ròsa e dempuèi, aquel negòci se bastiguèt una notorietat al prèp dels tolosans coma dels toristas de passatge. Aquel aniversari farà doncas l’objècte d’una fèsta al restaurant occitan La Topina, al barri de Sant Çubran, lo 20 d’abril a partir de 18h30. Danís Cantornet, co-gerent e co-fondator de la societat Macarel ne nos a donat lo menú.

Soutenez-nous sur Patreon et helloasso.com !