Fa cent ans nasquèt un dels mai grands poètas de lenga nòstra dins lo país lanusquet que celebrarà duscas al cap. Bernat Manciet (fòto) nasquèt en 1923 a Sabras e son eretatge literari quita pas de pivelar de monde divèrses, que sián de collègas escrivans, d’universitaris o encara de musicians. Farà l’objècte d’una pagina especiala sul site web de la fabrica d’occitanica, portalh collectiu de la lenga e de la cultura nòstras e tanben d'eveniments al cors de la davalada. Amai, lo CIRDOC lancèt un apèl sus sa pagina Facebook per conéisser las eventualas manifestacions culturalas organizadas a aquela escasença. Mai d’explicacions amb Joan-Jacme Casteret, director adjunt del CIRDOC e director de l’etnopòle atal coma de Sèrgi Javaloyès, president de l'associacion dels Amics de Bernat Manciet.

Soutenez-nous sur Patreon et helloasso.com !