Amb la cantaira e comediana Céline Mistral, Malika Verlaguet (a man dreta sus la fòto) aprèsta un novèl espectacle de contes deambulatòri apelat « Veici Ven » qu’a una particularitat : se pòt pas interpretar que dins una bòria ! La rason ? Las doas artistas passèron un brave de temps a anar rencontrar e entrevistar de noiriguièras e de noiriguièrs qu’an servit de matèria primièra per crear lo personatge d’Isabèl que rencontra una vaca Aubrac e que li conta son istòria. Pel moment, las doas comedianas son en trabalh de creacion que s’esperlongarà duscas a la fin de l’an e presentaràn una primièra mostura lo 10 d'octobre als Rencontres Professionals de Rodés (12). Una primièra sortida de residéncia es prevista per abril de 2024. (Fòto Fred Montels)

Soutenez-nous sur Patreon et helloasso.com !