ဒီအပိုင်းက တော်လှန်ရေးထဲမှာ မွန်းကြပ်နေသူ မိတ်ဆွေတွေအတွက်ပါ။ ကရင်နီ၊ ရခိုင်၊ အညာ၊ ရှမ်း အစရှိတဲ့ စစ်မြေပြင်အသီးသီးက BPN နားထောင်ကြတဲ့ မိတ်ဆွေတွေကို ၂၀၂၅ မှာ ဘာများနားထောင်ချင်ကြသလဲလို့ စကားစပ်မိတုန်း မေးဖြစ်တော့ နိုင်ငံရေးမဟုတ်တဲ့ဟာ၊ တော်လှန်ရေးနဲ့ တိုက်ရိုက်မသက်ဆိုင်တာတွေ နားထောင်ချင်ပါတယ်တဲ့။ ဒီလိုရိုးသားတဲ့ အဖြေကိုကြားရတာ ပထမတော့ ထိတ်လန့်သွားပါတယ်။ နောက်မှ သူတို့ရှင်းပြတာက ရှေ့တန်းမှာ စစ်တိုက်ပြီးပြန်လာတဲ့အခါ စစ်တွေ၊နိုင်ငံရေးတွေအကြောင်း ထပ်နားထောင်ဖို့ အားမရှိပါဘူးတဲ့။ BPN က ထုတ်တဲ့ Podcast တွေမှာ စိတ်နှလုံးချမ်းသာစေမယ့် အရာလေးတွေ ၊ လူသားဆန်တဲ့ အတွေးအခေါ်လေးတွေ ပါဝင်မယ်ဆို နောက်တန်းပြန်ခွင့်ရချိန် ပုခက်လေးပေါ်ခဏအမောဖြေရင်း နားထောင်ရတာစိတ်ချမ်းသာပါပြီဆိုတဲ့ တုံ့ပြန်ချက်တွေကို လေးစားသောအားဖြင့်..." FMaj7 "ပေါ့ကတ်စ်ရဲ့ ကမ္ဘာဂီတရေစီးကြောင်းထဲက ရိုမန့်တစ်ဇင် ခံစားမှုဝါဒီဂီတဘယ်က အစပြုသလဲဆိုတာလေးနဲ့ တောထဲက၊ ပြည်တွင်းက မိတ်ဆွေတွေ Chill နိုင်ကြအောင် တင်ဆက်လိုက်ရပါတယ်။Burma Podcast Network မှ ထုတ်လွှင့်ထားသော Podcast များကို နားဆင်နိုင်ရန်

⁠⁠https://linktr.ee/burmapodcastnetwork⁠