【信仰短講#07 - 要講好咩香港故事？】

經文：撒 母 耳 記 上 4-7章

主講：PJ 今個月嘅主題係講好香港故事，講好香港故事呢？

雖然話歷史係「當權者」寫嘅，但一個民族嘅故事卻唔一定得一把聲音。 基督徒相信，聖經係神藉神的選民，即係希伯來民族，豐富故事嘅結集向世人呈現神與人嘅關係。係研究聖經嘅學派中，有一學派係將《申命記》，《約書亞記》、《撒母耳記上下》、《列王記上下》視為一部著作。 學者相信，呢幾卷書係當以色列人係亡國被擄時，開始結集而成嘅以色列歷史，稱為申典歷史。申典嘅學者相信，申典歷史嘅作者，透過民族故事，幫助流散嘅以色列民去提供一個新嘅視野去理解佢地國破家亡嘅歷史，為下一代以色列民述說點解佢哋失去家園；而最重要，係重建以色列民嘅精神面貌及提出集體鑑誡。希伯來民族唔係比別國民族差，佢哋嘅神亦唔係比別國嘅神弱，神同佢嘅子民所立嘅約一直都在。 即使新約時代，耶穌佢自己本身就係講故事嘅高手，仲有門徒所寫嘅教會生活書信，全部都係透過故事，表達佢哋嘅掙扎、奮鬥同埋倫理故事，聖經並非陳舊條文，而係有齊，善惡好醜，活生生嘅真實故事同見證，讓信徒今日仍然可以活潑演繹呢份因為同神互動而前進嘅關係。。。 #申典神學 #約櫃 #被擄 #同在 #流散 #榮耀 #香港人 #hkchristians