《不要排斥美善的事》帖撒羅尼迦前書5:16-22

帖撒羅尼迦教會是初初開拓的嬰仔教會。使徒保羅謳咾這間教會，有見證、有傳福音，總是亦真需要真理的倚在，所以保羅特別寫批來幫助因。此款的情境，就好親像：職場的教會、學校的學生團契、遇到新世代問題的傳統教會。所以綜合來看，特別佇台灣這個防疫的期間，咱的教會所抵著、所需要思考的，攏是全新的挑戰、以前沒經驗過的問題。堵堵啊好，咱此時來讀帖撒羅尼迦前後書，實在是真適合。

此段經文的總結論提醒咱，「21凡事著察驗，好的著執守，22著離開逐樣的歹。」世間人卡普遍是，放不下歹的、沒心去打拚好的。聖經的真理是「當離開逐樣的歹」，總是「好的當持守」。咱有換新正直的神、有重頭生的生命、有主耶穌基督救贖的恩典，有因信稱作義的保證。對咱基督徒來講，最有氣力的見證，就是好膽照主耶穌基督的吩咐來行。不要看輕好事、不要排斥好事，好親像佇這個世代作一個好人，注定受看輕。顛倒，咱要有真實的信心，持守佇好的。

咱大家相邀，作伙做好的代誌。作伙好好啊過生活、作伙好好啊操練身體、作伙好好啊講祝福造就人的話、作伙好好啊疼厝邊親像家己、作伙好好啊作好的代誌。對佇安呢，咱通榮光上帝、利益眾人！

#想練習台語一定要來聽

#全台語講道

#好像講錯三個詞啊