"Ishwrni Swrjinai"-बोडो गॉस्पेल सॉन्ग.3gp //1 কোরিন্থীয়া 15অশিবশিং হিঙ্গৎপা1 অদুগীসু মথক্তা ঐগী ইচীন ইনাউশা, ঐনা নখোয়দা শন্দোক্লম্বা অফবা ৱাপাউ, নখোয়নসু লৌশিল্লবা অমসুং নখোয়না মদুদা লেপ্লিবা অদু ঐনা নখোয়দা খঙহল্লি । 2 ঐনা নখোয়দা শন্দোক্লম্বা অফবা ৱাপাউ অদু নখোয়না চেৎনা পায়রবদি, অফবা ৱাপাউ অসিগী মপান্না নখোয়বু কনবিরে, মদু নৎত্রবদি নখোয়না অরেম্বদা থাজরে ।3 মরমদি ঐনসু ফংলবা খ্বাইদগী মরু ওইবা অদু ঐনা নখোয়দা পীখ্রে, মদুদি শাস্ত্রগী মতুং ইন্না খৃষ্টনা ঐখোয়গী পাপশিংগীদমক শিবিরে, 4 মহাকপু ফুম্লে অমসুং শাস্ত্রগী মতুং ইন্না হুম্নিশুবা নুমিত্তা মহাক হিঙ্গৎখ্রে; 5 মহাক্না কেফাদা, অদুদগী তরানিথোই অদুদা উহনবিখি । 6 মদুগী মতুংদা মহাক্না চামঙাদগী হেনবা ইচীন ইনাউশিংদা অমুক্তদা উহনবিখি, মখোয়গী মরক্তগী অয়াম্বনা হৌজিক ফাওবা হিংলি, অদুবু খরদি তূমখ্রে । 7 মদুগী মতুংদা মহাক্না যাকোবতা উহনবিখি; অদুদগী মহাক্না পাখোনচৎপা পূম্নমক্তা উহনবিখি । 8 অদুগা পূম্নমক্কী অরোইবদা, মতম নত্তনা পোকপা ঐঙোন্দসু মহাকপু উহনবিখি ।9 ঐদি পাখোনচৎপা পূম্নমক্তগী খ্বাইদগী পিকপা অমনি, ঐনা ঈশ্বরগী শীংলুপ্পু ওৎনৈখিবা মরম্না ঐবু পাখোনচৎপা কৌবা মতিক চাদে। 10 অদুবু ঐনা ওইজরিবা অসি ঈশ্বরগী থৌজান্দগী ওইজরিবনি; মহাক্না ঐঙোন্দা পীবা থৌজান অসি অরেম্বা নত্তে, অদুবু ঐনা মখোয় পূম্নমক্তগী য়াম্না হেন্না শূ নোমখি; মদু ঐনা নৎচদে, অদুবু ঐগা লোয়নবা ঈশ্বরগী থৌজান অদুনা শূনোম্লিবনি । 11 মরম অদুনা ঐনবু ওইরবসু মখোয়নবু ওইরবসু, ঐখোয়না শন্দোকই, অদুনা নখোয়না থা