डोगरी गुड फ्राइडे सॉन्ग / ईवीजी। अनिल कुमार-(Suli chukiye).3gp //1 कुरिन्थियों 151 ए प्राओ, हूंन मई तुसें उए सुसमाचार सनाना ऐ जेड़ा पैलें सनाई चुके दा ऐं, जीसी तुसैं अंगीकार भी कित्ता हा ते जेस च तुस टिके दे भी ओ। 2 उसे दे द्वारा तुंदा उद्धार भी ओंदा ऐ, जे उस सुसमाचार गी जेड़ा मैं तुसें सनाया हा याद रखदे ओ; नेई ते तुंदा बिश्वास करना बेकार ओया।3 इसे आस्ते मैं सबनी कोलां पैलें तुसें उए गल्ल पजाई दित्ती, जेड़ी मीगी पुज्जी ही के पवित्र शास्त्र दे वचन दे मताबक यीशु मसीह साड़े पापें आस्ते मरी गया, 4 ते दबया गया, ते पवित्र शास्त्र दे मताबक त्रिये दिन ज़िंदा भी ओई गया, 5 ते कैफा गी उस बेले बारें गी लबया। 6 फिरी ओह पंज सो कोलां मते प्रां गी इक साथ लबया, जींदे बीचा मते सारे अय्यें तकर जिंदे न लेकन किश सेई गे। 7 फिरी ओह याकूब गी लबया उस बेले सारें प्रेरितें गी लबया। 8 सारें कोलां बाद मीगी भी लबया जेड़ा मन्नो अधूरे दिनें दा जम्मे दा ऐ। 9 की के मैं प्रेरितें च सबनी शा निक्का ऐं, बरना प्रेरित खुआने दे काबल भी नेई, की के मैं परमात्मा दी कलीसिया गी सताया हा। 10 लेकन मैं जे किश भी ऐं, परमात्मा दे अनुग्रह कन्ने ऐं। ओस दा अनुग्रह जेड़ा मेरे उप्पर ओया, ओह बेकार नेई ओया; लेकन मैं उंदे सबनी शा मती मेनत भी किती: तां भी ए मेरे कोलां नेई ओया लेकन परमात्मा दे अनुग्रह कन्ने जेड़ा मेरे उप्पर हा। 11 इसे आस्ते चाएं मैं ऐं, चाएं ओह ओंन, आस इय्ये प्रचार करनेया न, ते इसे उप्पर तुसें बिश्वास भी कित्ता।