डोगरी - "जीवन के शब्द"／"Words of Life" - Dogri.3gp //1 कुरिन्थियों / 13 1 जे मैं मनुखें ते सुर्गदुतें दी बोलियां बोलां ते प्रेम नेई रखां, ते मैं ठनकदी पीतल, ते छन छन करने आली कैंसी ऐं। 2 ते जे मैं भविष्यवाणी करी सक्कां, ते सारे भेदें ते ते सारे किस्म दे ज्ञान गी समझां, ते मीगी इत्थें तकर पूरा बिश्वास ओए के मैं पाड़ें गी हटाई देयां, लेकन प्रेम नेई रखां, ते मैं किश भी नेई। 3 जे मैं अपना पूरी धन दोलत कंगाले गी खलाई देयां, जां अपना शरीर जलाने आस्ते देई दियां, ते प्रेम नेई रखां, ते मीगी किश भी फायदा नेई।4 प्रेम सबर संदोख करने आला ऐ, ते किरपा करने आला ऐ; प्रेम डाह नेई करदा, प्रेम अपनी बड़ाई नेई करदा, ते फुलदा नेई, 5 ओह अनरिती नेई चलदा, ओह अपनी पलाई नेई चांदा, झुंजलांदा नेई, बुरा नेई मनदा। 6 कुकर्म कन्ने नांद लेने आला नेई, लेकन सच्चाई कन्ने नांद लेने आला ऐ। 7 ओह सारीं गल्लां बर्दाश करी लेंदा ऐ, सारीं गल्लें दी परतीती करदा ऐ, सारीं गल्लें दी आस रखदा ऐ, सारीं गल्लें च सबर संदोख रखदा ऐ।8 प्रेम कदें टलदा नेई; भविष्यवानियाँ ओन, ते खतम ओई जांघन; पाषां ओघंन, ते ते जदीयां रोनियां; ज्ञान ओए, ते मिटी जाग। 9 की के साड़ा ज्ञान अधूरा ऐ, ते साड़ी भविष्यवाणी अधूरी; 10 लेकन जेस ले सर्वसिद्ध आई जाग, ते अधुरा मिटी जाग। 11 जेस ले बच्चा हा, ते मैं बच्चें जेया बोलदा हा, बच्चें जेया गे मन हा, बच्चें जेई गे समझ ही; लेकन जेस ले सयाना ओई गया ते बच्चें दी गल्लां छोड़ी दित्तियां। 12 अय्यें असें शीशे च अधूरा लबदा ऐ, लेकन ओस समें आमने सामने दिखगे; एस समें मेरा ज्ञान अधूरा ऐ, लेकन ओस समें ऐसी पूरी रिती कन्ने पनछानगा, जिय्यां मैं पनछाने दा ऐ 13 लेकन हूंन बिश्वास, आस, प्रेम ए तीनों स्थायी न, लेकन इंदे सबनी च बड्डा प्रेम ऐ।