डोगरी-(अच्छा समाचार)／"Good News" - Dogri(Khari Khabar).3gp //युहन्ना 11 सारें कोलां पैले वचन हा ते वचन परमातमे दे कन्ने हा ते बचन परमातमा था। 2 इय्ये आदि च परमातमा दे कन्ने हा। 3 साब किश ओदे द्वारा गै पैदा होया, ते जे किश पैदा होया ऐ इस दे बीचा कोई भी चीज उस दे बगैर पैदा नेई होई। 4 उस दे बीच जीवन हा ओह् जीवन मनुखें दी लो ही। 5 लो न्हेरे च चमकदी ऐ, पर न्हेरे ने उसी कबूल (ग्रहण) नेई किता।6 इक मनुख परमातमा कोलां हाजर होया जिस दा ना यूहत्रा हा। 7 ओह् गुआही देने गी आया के लो दी गुआही दिय्यै, तां जे, सब उस दे द्वारा विश्वास गी लेई होंन| 8 ओह् आपूं ते, ओह् लो नेई हा, पर ओह् लो दी गुआही देने गी आह्दा हा9 सच्ची लो जेहड़ी सारे मानुएँ गी प्रकाश मान करदी ए, दुनियां च आने आह्ली ही। 10 ओह् संसार च हा, ते दुनियां ओह्दे द्वारा गै पैदा होई, ते दुनियां ने उसी नेई पनछानया| 11 ओह् अपने घर आया ते उस दे अपनैं उसी कबूल नेई किता। 12 मगर जेह्स जेह्स उसी कबूल किता, ओह्स ने उन्हें परमातमा दा टब्बर होने दा हक्क दीता, अर्थात् उन्हेंगी जेहड़े उस दे नां पर विश्वास रखदे न 13 ओह् ना खूने कन्नै, ना्ंह गे जिंदु (शरीर) दी मर्जी कन्नै, नांह् गे मानुए दी मर्जी कन्नै, मगर परमातमा कोलां पैदा होए न।14 ते वचन देहधारी होया; ते अनुग्रह ते सच्चाई कन्नै परिपूरण होइये साड़े बीच डेरा किता, ते अस्सैं ओह्स दी ऐसी मेह्मा दिखी, जियां पिता दे इकलोते दी मेह्मा। 15 यूहन्नै ओह्दे बारे च गुआई दिती, ते पुकारीये अखेया, “एह् उऐ ए, जेह्स दा मैं बर्णन कीता के जेह्ड़ा मेरे कोलां बाद आ्ह करदा, ओह् मेरे कोलां बाह्द ए की वे ओह मेरे कोलों पैलैं दा ए’’| 16 की वे उस दी परिपूर्णता बीचा अस्सैं सारें जन्नैं प्राप्त किता अर्थात् अनुग्रह पर अनुग्रह। 17 इसे आह्स्ते कि व्यवस्था मूसा दे द्वारा दिति गेदी ही, लेकन अनुग्रह ते सच्चाई येशु मसीह दे द्वारा पुज्जी। 18 परमातमा गी कुस्सै नै कदैं नी दिखया, इकलोता पुत्तर जेड़ा पिता दी गोदी च ए, ओहस ने गै उसी प्रगट किता।