"अच्छा समाचार" - मेइती(मणिपुरी) भाषा／"Good News" - Meitei(Manipuri) Language.3gp //যোহান 1ৱাহৈ অদুনা শায়োল্লকপা1 অহৌবদা ৱাহৈ অদু লৈরম্মী, ৱাহৈ অদু ঈশ্বরগা লৈমিন্নরম্মী অমসুং ৱাহৈ অদু ঈশ্বর ওইরম্মী । 2 মহাক অসি অহানবদা ঈশ্বরগা লৈমিন্নরম্মী ।3 পোৎ পূম্নমক ইবুংঙো মহাক্কী মপান্না ওইরক্লে, অদুগা ওইরকখ্রবা অদু ইবুংঙো মহাক য়াওদনা করি অমতা ওইরক্তে । 4 মঙোন্দা হিংবা লৈরম্মী অমসুং হিংবা অদু মীশিংগী মঙান ওইরম্মী । 5 মঙান অদুনা অমম্বদা ঙাল্লে অমসুং অমম্বা অদুনা মঙান অদুবু ঙমদে ।6 যোহান কৌবা ঈশ্বরদগী থারকপা মী অমা লৈরম্মী । 7 মহাক্না মঙান অদুগী মরমদা সাক্ষী পীদুনা, মহাক্কী মপান্না পূম্নমক্না থাজননবা, মহাক্না সাক্ষী ওইনা লাক্লে । 8 মহাক্তি মঙান অদু নত্তে, অদুবু মঙান অদুগী মরমদা সাক্ষী পীনবা লাকপনি । 9 মী খুদিংমকপু ঙানহনবিবা তাইবংপান্দা লাকপা মঙান অদু অচুম্বা মঙান্নি ।10 মহাক্তি তাইবংপান্দা লৈরম্মী, মহাক্কী মপান্না তাইবংপান অসি লৈরকখি, অদুবু তাইবংপানগী মীশিংনা মহাকপু খঙলমদে । 11 মহাক্না মশাগী ওইবা মফমদা লেঙলক্লে, অদুবু মশাগী ওইবা মীশিংনা মহাকপু লৌশিন্দে । 12 অদুবু মহাকপু লৌশিল্লবা মখোয় পূম্নমক্তা, হায়বদি মহাক্কী মিংদা থাজবা মখোয়দা ঈশ্বরগী মচাশিং ওইননবা মহাক্না মতিক পীবিরে। 13 মখোয় অসি ঈদগীসু, হকচাংগী নীংবদগীসু, মীওইবগী নীংবদগীসু পোকখিবা নত্তে, অদুবু ঈশ্বরদগী পোকখিবনি ।14 অদুগা ৱাহৈ অদুনা শায়োল্লক্তুনা ঐখোয়গী ইরক্তা লৈবিররে; অদুগা থৌজান অমসুং অচুম্বনা পিক থন্দুনা মপাদগী অমতা ঙায়বা মচাগী ওইবা মতিক মঙান, হায়বদি মহাক্কী মতিক মঙান অদু ঐখোয়না উজরে ।15 যোহান্না মহাক্কী মরমদা সাক্ষী পীদুনা লাউনা হায়রকই, “ ‘ঐগী তুংদা লেঙবিরক্লিবা মহাক অসি ঐগী মাঙদা লৈরম্বা মরম্না ঐঙোন্দগী হেল্লী’ হায়না ঐনা হায়খিবা অদু মহাক অসিনি ।” 16 ঐখোয় পূম্নমক্না মহাক্কী অথনবদগী থৌজানগী মথক্তা থৌজান ফংজরে । 17 মরমদি মৌশিগী মপান্না ৱায়েন য়াথং অদু পীরে, যীশু খৃষ্টগী মপান্না থৌজান অমসুং অচুম্বদু লাক্লে । 18 অদুগা মী কনা অমতনা ঈশ্বরবু কৈদৌঙৈদসু উদ্রি; মপাগী মথাদা লৈবা অমতা ঙায়বা মচা নিপা অদুনা মহাকপু ফোংদোক্লে ।