तीन हो गॉस्पेल सॉन्ग.mp3 //ଜହନ୍‌ ଅଲ୍‌‌ତାଡ୍‌‌ ସୁକୁ‌-କାଜି 11. ନେନ୍‌ ଅତେଦିସୁମ୍‌ ଅଣ୍ଡଃ ସିର୍‌ମେ ରିମିଲ୍‌କରେ ଜା'ନାଃୱ କା ତାଇକେନ୍‌ରେଗେ ଇସରାଃ କାଜି ଆଳାଙ୍ଗ୍‌ ତାଇକିନା। ଇସରାଃ ଏନ୍‌ କାଜିଦ ଇସର୍‌ଲଃତେଗେଃ ତାଇକିନା, ଅଣ୍ଡଃ ଏନ୍‌ କାଜିଦ ଇସର୍‌ଗେଃ ତାଇକିନା। 2. ଇସରାଃ ଏନ୍‌ କାଜିତାନିଃଦ ଉଙ୍କୁଳୁଇତେଗେ ଇସର୍‌ଲଃଏ ତାଇକିନା। 3. ସିର୍‌ଜନାକାନ୍‌ ଜା' ସବେନାଃକ ଆଏଃ ବିନେତେଦ କା ସିର୍‌ଜନାକାନା। ସବେନାଃକ ଇନିଃଏଃ ଦୀୟେତେଗେ ଇସର୍‌ ସିର୍‌ଜନ୍‌କିଡା। 4. ଆଏଃତାଃରେ ସବେନ୍‌କ ଜି'ଡ୍‌ ଇଚିକତେୟାଃ ଜିବନ୍ ତାଇକିନା, ଅଣ୍ଡଃ ଏନ୍‌ ଜିବନ୍‌ଦ ମାନାମିକରେ ତୁର୍‌ତୁଙ୍ଗଃତାନ୍‌ ମାସ୍‌କାଲ୍‌ଗେ ତାଇକିନା। 5. ମାସ୍‌କାଲ୍‌ଦ ନୁବେଃରେ ତୁର୍‌ତୁଙ୍ଗଃତାନା, ମେନ୍‌ଦ ନୁବେଃତେୟାଃଦ ମାସ୍‌କାଲ୍‌ କାଏଃ ତାଲମ୍‌ ତୁପା ଦାଇୟେନେ। 6. ନେନ୍‌ ମାସ୍‌କାଲ୍‌ରେୟାଃ ହୋକତାଃରେ ଉଦୁବେକ ଲାଗିଡ୍‌ ମିଡ ହୋ ଇସର୍‌ତାଃୟେତେଃ କୁଲ୍‌ଲେନ୍‌ତେ ନେନ୍‌ ଅତେଦିସୁମ୍‌ତେଃ ହୁଜୁଃଲିନା; ନୁତୁମ୍‌ତାଏ ଜହନ୍‌। 7. ନେନ୍‌ ଜହନାଃ ଦୀୟେତେ ସବେନ୍‌ହୋକ ମାସ୍‌କାଲ୍‌ତାନିଃରେକ ବିସାସଏକା, ଇନାମେନ୍‌ତେ ହୋକତାଃରେ ନେନ୍‌ ମାସ୍‌କାଲ୍‌ରେୟାଃ ସାକି ପେରେଃ ଲାଗିଡ୍‌ଗେ ଜହନ୍‌ଦଏ ହୁଜୁଃଲିନା। 8. ଜହନ୍‌ଦ ଏନ୍‌ ମାସ୍‌କାଲ୍‌ଦ କାଏଃ ତାଇକିନା; ମେନ୍‌ଦ ହୋକତାଃରେ ଏନ୍‌ ମାସ୍‌କାଲ୍‌ରେୟାଃ ସାକି ଉଦୁବ୍‌ ପେରେଃ ଲାଗିଡ୍‌ଗେ ଆଏଃଦଏ ହୁଜୁଃଲିନା। 9. ସବେନ୍‌ ମାନାମିକ ମାସ୍‌କାଲ୍‌ ଇମାକତେନ୍‌, ସାରି ଉତେର୍‌ତେନ୍‌ ମାସ୍‌କାଲ୍‌ଗେ ଅତେଦିସୁମ୍‌ତେଃ ହୁଜୁଃତେନ୍‌ ତାଇକିନା। 10. ନେନ୍‌ ମାସ୍‌କାଲ୍‌ତାନିଃଦ ଅତେଦିସୁମ୍‌ରେଃ ତାଇକିନା, ଅଣ୍ଡଃ ଅତେଦିସୁମ୍‌ ଅଣ୍ଡଃ ଏନ୍‌ରେନ୍‌ ସବେନ୍‌କଦ ଆୟାଃ ଦୀୟେତେଗେ ଇସର୍‌ଦଏ ସିର୍‌ଜନ୍‌କିଡା। ଏନ୍‌ରେୟ ଅତେଦିସୁମ୍‌ରେନ୍‌କଦ ଆଏଃ କାକ ଆଟ୍‌କାର୍‌-ଉରୁମ୍‌କିଃଏ। 11. ଆଏଃ ଆୟାଃ ନିଜର୍‌ ହୋକତାଃତେଃ ହୁଜୁଃୟେନେ। ମେନ୍‌ଦ ଆୟାଃ ନିଜର୍‌ ଜାତି-କିଲିରେନ୍‌ ହୋକ ଆଏଃ କାକ ତିଲାକିଃଏ। 12.  ମେନ୍‌ଦ ଚିମିନ୍‌ ପୁରେ ହୋକ ଆଏଃକ ତିଲାକିଃଏ, ଅଣ୍ଡଃ ଅକନ୍‌କୁ ଆୟାଃ ନୁତୁମ୍‌ରେକ ବିସାସକିଡା, ଏନ୍‌ ସବେନ୍‌କ ଆଏଃ ଇସରାଃ ହୋନ୍‌ଗାଣାକ ହବାୱ ଲାଗିଡ୍‌ ଆଇଦାରିଃ ଇମାଡ୍‌କୱା। 13. ଆକ‌ ଇସରାଃ ହୋନ୍‌ଗାଣାକ ହବାୟାନ୍‌ତେୟାଦ ମାୟମାୟେତେ, ଚି ହମରେୟାଃ ସାନାଙ୍ଗ୍‌ ଲିକାତେ, ଚି ମାନାମିକୱାଃ ସାନାଙ୍ଗ୍‌ ଲିକାତେଦ କା, ମେନ୍‌ଦ ଇସର୍‌ତାଃୟେତେଗେକ ଜନମ୍‌ଲିନା। 14. ଅଣ୍ଡଃ ନେନ୍‌ କାଜିଦ ମାନାମିୟେନେ, ଅଣ୍ଡଃ ଆବୁକ ତାଲାରେଃ ବାସାୟାନା। ଦାୟା-ଦି'ଙ୍ଗା ଅଣ୍ଡଃ ସାରି-ସାନାରିତେଃ ପେରେଃୟାକାନ୍‌ତେ, ଆପୁ ଇସର୍‌ତାଃୟେତେ ହୁଜୁଃଲେନ୍‌, ଏସ୍‌କାର୍‌ଗେଃ ଜନମ୍‌ଲେନ୍‌ ହୋନ୍‌ସେଡାଃ ମାନାରାଙ୍ଗ୍‌ ଲିକା ଆଲେ ଆୟାଃ ତୁର୍‌ତୁଙ୍ଗଃତାନ୍‌ ମାନାରାଙ୍ଗ୍‌ଲେ ନେଲ୍‌କିଡା। 15. ଜହନ୍‌ ଏନ୍‌ ଜୀସୁଏଃରେୟାଃ ସାକି ପେରେଃକେତେ ଏସୁ କେଳେଃ କାକାଲାକେତେଃ କାଜିକିଡା, “ନୀରେୟାଃଗେ ଆଞ୍‌ ନେଲେକାଞ୍‌ କାଜିଲିଡା,‘ଆଞାଃ ଚାନାବ୍‌ତେ ଅକନିଃ ହୁଜୁଃତେନେ, ଇନିଃ ଆଞାଃୟେତେ ଆୟାର୍‌ତେଃ ତାଇକିନା। ଇନାମେନ୍‌ତେ ଇନିଃଦ ଆଞେ'ତେରେୟ ମାରାଙ୍ଗ୍‌ନିଃଗେ।’” 16. ଆଏଃତାଃରେ ଦାୟା-ଦି'ଙ୍ଗାଦ ଏସୁ ଲାଃ ଉତେର୍‌ତେ ପେରେଃୟାକାନ୍‌ ତାଇକିନା। ଆୟାଃ ଏନ୍‌ ପେରେଃୟାକାନ୍‌ ଦାୟା-ଦି'ଙ୍ଗାତେଗେ ଆବୁ ସବେନ୍‌କ ଦାୟା-ଦି'ଙ୍ଗା ଚିତାନ୍‌ରେ ଦାୟା-ଦି'ଙ୍ଗାବୁ ନାମ୍‌କିଡା। 17. ଇସର୍‌ ଆୟାଃ ଆଇନ୍‌ ମୋସାଃ ଦୀୟେତେଃ ଇମାଡ୍‌ବୁୱେ; ମେନ୍‌ଦ ଇସରାଃ ଦାୟା-ଦି'ଙ୍ଗା ଅଣ୍ଡଃ ସାରି ସାନାରିଦ ଜୀସୁ ମାସିଗେ ଆଟ୍‌କାର୍‌ ଉରୁମ୍‌ ଇଚିକେଡ୍‌ବୁୱେ। 18. ଅକୟ ଜାକେଡ୍‌ ଇସର୍‌ଦ ଚୁଇଲେଅ କାକ ନେଲାକାଇୟେ। ମେନ୍‌ଦ ଇସର୍‌ ଆପୁ ଦୁଲାଳି'ତେନ୍‌, ଆୟାଃ ଏସ୍‌କାର୍‌ଗେ ଜନମ୍‌ଲେନ୍‌ ହୋନ୍‌ସେଡ୍‌, ଅକନିଃ ଆଏଃଗେଃ ଇସର୍‌ତାନାଏ, ଏନ୍‌ ଜୀସୁ ମାସିଦ ଆବୁ ସବେନ୍‌କତାଃରେ ଇସରେଃ ଉଦୁବ୍‌ ଆଟ୍‌କାର୍‌ ଉରୁମ୍‌ ଇଚିକିଃଏ। cd ଡୁବନ୍‌ନିଃ ଜହନ୍‌ ହୁଜୁଃୟେନେତେଃ ପର୍‌ଚାର୍‌କେଡ୍‌ରେ, ଏସୁ ପୁରେ ହୋକ ଆୟାଃ କାଜି ଆୟୁମ୍‌ ଲାଗିଡ୍‌ ଅଣ୍ଡଃ ଆୟାଃ ତି'ତେ ଡୁବନ୍‌ ଇଡେ ଲାଗିଡ୍‌ ଆଏଃତାଃକ ହୁଜୁଃୟେନେ। (ମାର୍‌କ ୧: ୪-୬) ଜିଉଦି ହୋକୱାଃ ଗମ୍‌କେ ହୋକ ଜହନ୍‌ରେୟାଃକ ଆୟୁମ୍‌କେଡ୍‌ରେ, ଇନିଃଦ ଅକଏ ମେନ୍‌ତେ କୁଲି ଆଟ୍‌କାରେ‌ ଲାଗିଡ୍‌ ଦିଉରି ହୋକ ଅଣ୍ଡଃ ଜିଉଦିକୱାଃ ମନ୍ଦିର୍‌ରେ ଇସର୍‌ ସେବା-ପାଇଟିତେନ୍‌ ଲେବି ବଂସରେନ୍‌ ହୋକ ଆଏଃତାଃକ କୁଲ୍‌କେଡ୍‌କୱା। ଏନ୍‌ତେ ଜହନ୍‌ଦ “ଆଞେ‌'ତେ‌ ମାରାଙ୍ଗ୍‌ନିଃ ମାସିଦଏ ହୁଜୁଃତେନେ, ଅଣ୍ଡଃ ଆଞ୍‌ ଆଏଃ ଲାଗିଡ୍‌ ହୋକଞ୍‌ ସାମ୍ପଳକତାନା” ମେନ୍‌ତେଃ କାଜି ଉରେକତାନା।