"Jisu phainai" -त्रिपुरी नया सुसमाचार गीत। .3gp //1 KORINTH 15Khristo thangwi bachamani1. Takhukrok, ang norokni thani pírmani a Kothoma Kahamno muitu khlaiwi rwna nai-o, norok abono khna kha, phiya tabukbo abono poito khlaiwi kwrak khe tongo. 2. Ang norokno pírmani a Kothoma Kahamno norok kwrak khe romwi tong khe mwthangjaknai, wng ya khe norok poito khlaimani abo kusu buya.3. Ang manmano norokno yapharwi rw kha, abo’-no kók kotor kuk: Elembago swijak tongma hai’-no Khristo chini sumsokni bagwi thwi kha; Jis 53.5-12. 4. bo phobjak kha, hakhe Elembago swijak tongma hai’-no salthamni salo mwthangwi tisajak kha; Lob 16.8-10; Mat 12.40; Sam 2.24-32. 5. bo Pitor bai nukjak kha, phiya ulo chonghor chiknwirok bai nukjak kha.Mat 28.16-17; Mar 16.14; Luk 24.34,36; Joh 20.19. 6. Ulo khe bo uáisa bai ba-rani slái kwbángma sagrirok bai nukjak kha, bórokni bere baksa thwi phano kwbángma’-no kwthang tong kho. 7. Ulo khe bo Jakob bai nukjak kha, aboni ulo bebak chonghorrok bai nukjak kha.8. Jotoni slái ulo bo ang baibo nukjak kha, ang jora ya-o achainai, hai phano bo ang baibo nukjak kha.Sam 9.3-6. 9. Ang bebak chonghorrokni slái kusu, Kaitorni mothano sátokma bai ang chonghor suda hwnjakna chúk ya.Sam 8.3. 10. Hai phano Kaitor khairokma bai ang ba ang’-no tongo, bo ano khairokmani abo samung nang ya wng li ya. Tamo khe ang tei chonghorrokni slái teibo samung khlai kuk kha, abo sói ang khlaima ya, Kaitor khairogwi ani yak tẃi samung khlaiwi tongo. 11. Hakhe ang pír phano bórok pír phano, chwng bebak’-no o kókno’-no píro, norokbo abono’-no poito khlai-o.