Episode 12: Trygve Skaug er ein hardt turnerande musikar, ettertrakta låtskrivar, samarbeidspartnar for artistar som Maria Mena, Daniel Kvammen og Eva Weel Skram – og Norges mestseljande poet fleire år på rad. Det som starta som korte poengterte tekstar på sosiale medier har vakse til snart ni diktbøker, og ei heilt fersk barnebok. Den foreløpig siste plata hans, “Sanger du skal få når vi er vektløse”, kom ut same veka som dette intervjuet blei gjort.

I 2019 gav Trygve Skaug ut ei diktboka “Følg med nå” som siktar seg spesielt inn mot ungdom – faktisk mot konkrete ungdomar, ein for kvart dikt, fortel han i podcasten. Men alle diktbøkene hans er populære blant unge vaksne.

Samtalen denne månaden er kan henda litt ekstra laus i snippen, sidan eg som møtte Trygve Skaug til intervju (Arne Olav Hageberg) i tillegg til å jobba ved Skien bibliotek også er musikarkollega med Trygve Skaug frå fleire år tilbake. Resultatet blei ein nær og ærleg samtale om det å vera ung og ikkje ha tid til å lesa bøker fordi ein heller vil spela i band og henga med vener, om livsviktige norsklærarar, kjærleik som er verdt å tru på, om bøker som finst i dag som ein skulle ønska fantes før, og om bøker som har funnest i 125 år og likevel er aktuelle i dag.

Her er pallen til Trygve Skaug:

1) Victoria (1898) – Knut Hamsun

2) Karusellmusmusikk (2001) – Jo Nesbø

3) Psykt deg (2021) – Maria Østhassel

Episoden blei spelt inn på Nordby bibliotek, Vinterbro onsdag 16. februar 2022.

Programleiarar: Arne Olav Hageberg

Redigering: Marcus Patai og Stian Omland

Musikk: Halvor Nordal Strand

Redaksjonsmedlemer: Cecilie Lysell og Stian Omland

Forfatteren & Favoritten er eit samarbeid mellom folkebiblioteka i Porsgrunn og Skien.

Trygve Skaug (f. 1985)

BØKER

Hvis jeg var statsminister - Barnebok  

Opprykk - Diktbok

Hjemmekamp - Diktbok

Ikke slipp - Diktbok

Følg med nå - Diktbok for ungdom

Den siste - Diktbok

50 Kubikks Hjerte – Diktbok

En Glemmebok – Diktbok

11 millioner bugg – Diktbok

PLATER

Kommer i 2022:

Sanger du skal få når vi er vektløse

Hvis det bare kom snø

Sanger du skal få når du våkner  

Sanger du skal få når jeg dør  

Seine Natt Desember  

Martyren  

Norske Kompani – StMorritz

Tusenvis av ting – StMorritz

Evige – Flere artister