Այս էպիզոդում պատմում եմ «Լարովի նարինջ» ներկայացման մասին։ Ինչպես դիպլոմային աշխատանքը դարձավ թատրոնի խաղացանկային ներկայացում, ինչու ռեժիսորը որոշեց բեմադրել հենց այս գործը, ովքեր են դերակատարները, ինչ դժվարություններ են ունեցել փորձերի ժամանակ և ոչ միայն։

Կուբրիկն ասում էր. «Ֆիլմի առանցքային գաղափարը կապված է ազատ կամքի հետ։ Արդյո՞ք մենք կորցնում ենք մարդկային հատկանիշները, երբ ստիպված ենք լինում ընտրություն կատարել չարի և բարու միջև։ Ֆիլմի դրամատիկ ազդեցությունն ուղղակիորեն կապված է Ալեքի տարօրինակ կերպարի հետ։ Հերոսը ներկայացնում է անգիտակցականը, մարդուն՝ իր բնական վիճակում։Հնարավոր է՝ անգիտակցականում մենք բոլորս պոտենցիալ Ալեքներ ենք: Միայն բարոյականության, օրենքի և երբեմն էլ մեր բնավորության պատճառով է, որ մենք նրա նման չենք դառնում»։