26 მაისი საქართველოს დამოუკიდებლობის დღეა. საუკუნეზე მეტი გავიდა მას შემდეგ, რაც 1918 წლის 26 მაისს რუსეთის იმპერიისგან დამოუკიდებლობა მოვიპოვეთ. ამის მიუხედავად, ჩვენს გარშემო არსებულ პოლიტიკურ ველზე კვლავ მოიძებნებიან ისეთი პარტიები, ჯგუფები, რომლებიც მტრობენ საქართველოს დამოუკიდებლობასა და მის ევროპულ მომავალს.

დღევანდელ პოდკასტშიც სწორედ ასეთ პარტიებზე, კერძოდ, პარტია „კონსერვატიული მოძრაობისა“ და მის მიერ დაარსებულ ტელევიზიის(ალტ-ინფო) საქმიანობაზე ვსაუბრობთ. რა უნდა მოვიმოქმედოთ დემოკრატიის მტრების წინააღმდეგ დემოკრატიულ სახელმწიფოში? როგორი უნდა იყოს ჩვენი პასუხი დემოკრატიის მტრების წინააღმდეგ მაშინ, როდესაც დემოკრატიული სახელმწიფო არ გვაქვს? ამ და სხვა კითხვებზე ვსაუბრობთ ჩვენს სტუმართან ედუარდ მარიკაშვილთან ერთად.