Informazioa kudeatzen duten agentzia handien hatzaparretatik haratago, bertako eragileen ekimenak ikustarazteko Plaza! izeneko ataria jarri du martxan Argiak. Olatukoopen kide den Argia hedabideko Lander Arbelaitz kazetariak nabarmendu digunez, «helburua elkarren berri izateko espazio amankomun euskaldun bat sortzea da, bakoitzaren deialdi, irakurketa eta agenda kontuen berri emateko».