Trastadas, falcatruadas... seguro que fixéstedes algunha de rapaces. Ou se xa tendes unha idade, sodes sufridores destas travesuras. Enchemos o Esperta de pillerías infantís e adolescentes.

Achegámonos ata o Cuvi para coñecer o programa cultural deste outono aberto á cidadanía: concertos, cine e mais teatro. Falamos con Natalia, vicerrectora de extensión universitaria.

Novembro é o mes da ciencia e no Cuvi, e na Facultade de Telecomunicacións hai xornada de portas abertas este venres para coñecer a actividade de Atlanttic a través de obradoiros de impresoras 3D, nanosatélites...

"Caderno de campo das illas Cíes" do biólogo e artista José Arcas é unha guía para fixarnos na fauna que percorre os roteiros das Cíes. Inclúe un código QR para ambientalo cos sons da illa.