Voltou Sara! E con ela a normalidade ao estudio. Como non podía ser doutra maneira contounos boa parte da súa viaxe, e describiunos como esta ese París do ano 2018.

Houbo tempo para outras cousas claro. Falamos con Manu Lourenzo, portavoz do BNG en Soutomaior, sobre as últimas novidades en canto a polémica do transvase do río Verdugo.

Tamén chamamos a Don Ángel, párroco de Valladares; para que nos contara de primeira man como foi ese acordo entre Concello e diócese para que o torreiro da festa da parroquia sexa restaurado e renovado. Unha demanda histórica por fin enmendada.

Por último, tivemos no estudio a Santi, de Taller 7, en Nigrán. Un MakerSpace no que podemos acudir a construir os proxectos personais que temos. ¿E cal é o máis popular agora? Pois montar un mesmo unha máquina arcade ou recreativa.