Alberto Rodríguez rendiu homenaxe a Manuel Garrido Arruti, veciño de Ponte Caldelas e unha auténtica autoridade a nivel nacional no impulso da práctica do rugbi. Garrido Arruti foi árbitro internacional do máis alto nivel, directivo da Federación e un dos principais responsables da posta en marcha do equipo Os Mareantes de Pontevedra. Todo o mundo salienta o seu compromiso con este deporte e o seu excelente talante persoal así como a súa capacidade negociadora en momentos convulsos desde o punto de vista laboral coas fusións bancarias. RADIO NOVA sumouse á homenaxe que estes días está a recibir esta figura emblemática do deporte en España.