Unë jam Fatmiri, jam 58 vjeç me origjinë nga Memaliaj. Jemi transferuar në Tiranë nga Tepelena në vitin 2003. Kam punuar në minierë gjithë jeten time megjithëse të them të drejtën ëndrra ime asokohe ishte të bëhesha shofer, ja që nuk u realizua dot. Gjithesi unë kam kujtime të mrekullueshme nga vendlindja, më kujtohet për shembull kur shkonim me biçikleta deri ne Përmet, tek uji i ftohtë për të bërë banjë. Edhe sot lëvis kryesisht vetëm me biçikletë. Më pëlqen shumë lumi Vjosa, nuk dua as det e as mal për pushime, vetëm atë kam pikë të dobët.