Firdapodden

Firdapodden snakkar med firdalærarane Else Helle Bolstad og Bente Høiland om kva motivasjon ER, og korleis vekkje denne hos elevane, i denne comeback-episoden som også avslører litt teknisk rust hos vertane sidan det er ei stund sidan sist. Men ein fin samtale med dei fine gjestane våre, det synest vi at det vart!

Firdapodden har fått besøk av sjølvaste Åsta Haukås, professor i framandspråksdidaktikk ved UiB, og engasjert i prosjekt som Multiwrite, Ungspråk og Multilingualism on my mind. Saman med Nina Arnesen snakkar vi om språkveka på Firda, språklærarsamarbeid på tvers og kor viktig det er å dyrke elevar og lærarar sin fleirspråklege identitet. Så det!

Sidan boka hans Pandemi, panikk og politikk nyss er utkomen, er vi glade for å frette ut kollega Kristian Starheim om den. Dette vart ein beredskapspodd om gode og dårlege erfaringar etter pandemitida - og nokre tips til forbetringar i framtida. Kven takla eigentleg covid best - vi eller svenskane? Og - er nordmenn klimaskeptikarar?

Jorunn er plasstillitsvald for Utdanningsforbundet på Firda, og snakkar om sine erfaringar i embetet så langt. Firdapodden er dessutan nysgjerrige på TikTok, og andre ting. Og Anders blir som vanleg grilla om litteratur.

Eit nytt tilskot til dramaseksjonen på Firda er Jenny Lysholm Daviknes, som også er barnevernspedagog, flygande måke og paraglider. Ho er òg tidlegare firdaelev, og korleis det gjekk når ho kom attende og skulle være lærar her sjølv; ja, om dette og meir får du vite i den nyaste episoden av Firdapodden.

Ein viktig byggestein på Firda er elevtenesta vår, og i 2023 har vi fått Huben, som kan vere eit pusterom i kvardagen for somme elevar, men med ein fagleg profil. Firdapodden har snakka med to som har mykje av sin kvardag der, miljørettleiar Jon Andre Rebbestad og prosjektleiar Tove Hanne Ommedal. Dessutan spelar vi litteraturkortspel!

Landslaget for norskundervisning (LNU) skipa i helga til konferansen «Nordiske nøkler – Norden som inngang til norskfaglige rom» i vakre Tromsø, og frå den har Firdapodden laga ein podkast med TO gjester, Agathe og Julie, for vi var alle der og var svært fornøgde. Fokus i dag handlar like mykje om stoff som er relevant for alle fag, som for norskfaget. Moro hadde vi det iallfall - og lærerikt. Om robotar, nabospråk, samisk og grammatikk - kva meir kan du forlange av EIN podkast?

Simon Stranger kom til Sandane, og vi spurte han om romanen hans, salssuksessen Leksikon om lys og mørke. Det vart ein finfin samtale om seglturar og psykologi, antisemittisme og ondskap, og om OULIPO! Og korleis var han som elev?

Firdapodden snakkar om ChatGPT og kunstig intelligens saman med Nina Arnesen og Jørgen Dølvik Husbyn, to av våre kollegaer som har mykje på hjartet, og hjernen, om utfordringar og moglegheiter desse nye verktøya fører med seg. Teknoskeptikarar og -entusiastar møtest til ein førjulsprat om eit emne som kan få store konsekvensar for skule, samfunn og verda i si heilskap!

Firdapodden har fått ny dings, men pratar mest av alt om eksamen med Kjell Olav. Denne gongen handlar det om eksamen i faga matematikk, psykologi og norsk.