فِي نُورِ آيه

كم مرة قولت: “هبدأ بكرة”؟وبكرة دي عمرها ما جت…في الحلقة دي هنتكلم عن التسويف، وليه بنفضل مأجلين خطوات كان ممكن تغيّر حياتنا، ونتأمل في قول الله تعالى: ﴿فَإِذَا عَزَمْتَ فَتَوَكَّلْ عَلَى اللَّهِ﴾. يمكن تكون الحلقة دي هي أول خطوة كنت مأجلها من زمان

في أولى حلقات الموسم الثاني من «في نور آية» بنتكلم عن النية…عن المشاعر الصغيرة التي تبدأ داخل القلب، ثم تكبر حتى تغيّر الإنسان بالكامل.ومن قصة إخوة سيدنا يوسف، وتأمل في قوله تعالى:﴿وَلَا تَكُونُوا كَالَّتِي نَقَضَتْ غَزْلَهَا مِن بَعْدِ قُوَّةٍ﴾بنحاول نفهم كيف يمكن للنية أن تبني الإنسان… أو تهدمه من الداخل.

مش كل كلام حلو دليل على صدق،ومش كل نصيحة دليل على التزام.في الحلقة دي بنتأمل في آيات بتكشف الفرق بين اللسان والقلب،وبتعلّمنا إن ربنا يعلم السر وأخفى،وإن النجاة مش في المدح ولا في الإعجاب…لكن في صدق النية، واستقامة الفعل.

مش كل الأيام زي بعض.في السنة أربع شهور عظّمهم الله، وجعل لهم حرمة خاصة.في الحلقة دي بنحاول نفهم معنى الأشهر الحُرُم، وليه ربنا اختار أوقات نهدى فيها ونراجع قلوبنا قبل أفعالنا.

في الحلقة دي بنتكلم عن الطمع… مش كعيب مطلق، لكن كصفة ليها وجهين.طمع يفسد القلب ويضيّق الروح، وطمع تاني محمود يخلّي الإنسان يسعى وهو مطمّن.هنفرّق بين الطموح المشروع والجشع، وبين السعي اللي يقرّب من ربنا والطمع اللي يسرق الرضا.

في الحلقة دي بنتأمل مع بعض في واحدة من أحنّ وأجمل آيات القرآن: “قل يا عبادي الذين أسرفوا على أنفسهم لا تقنطوا من رحمة الله”.هنتكلم عن معنى الرحمة اللي ما بتقفّش، وعن باب التوبة اللي مفتوح مهما كانت الأخطاء، وعن إزاي الآية دي ممكن تكون بداية جديدة لأي حد شايل ذنب أو تعب في قلبه.

في الحلقة دي من بودكاست “في نور آية”، بنتكلم عن معنى اليقين الحقيقي…إزاي القلب يثبت حتى لو كل شيء حواليه بيتهز؟وإزاي آية واحدة من القرآن تقدر تطمنك وتبني جواكي قوة ما تتكسرش.

في الحلقة دي من بودكاست “في نور آية”، هنتأمل آية من سورة الزخرف بتكشف حقيقة العلاقات يوم القيامة…إن مش كل صحبة هتفضل سند، وإن الصحبة اللي بتبعدك عن ربنا هتبقى عداوة،أما الصحبة اللي تقرّبك للنور… فهي اللي تدوم.

( الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ )

في حلقة النهارده من بودكاست “في نور آية”، هنقف مع آية من سورة الحديد بتكشف جزء مهم من طبيعة الإنسان…آية بتوري إزاي البخل مش بس إنك تمنعي مال، لكنه أحيانًا بيكون منع للخير، وللكلمة الحلوة، وللدعم، وللمشاركة…وإزاي الإنسان اللي يمنع الخير عن نفسه وعن الناس، بيضيع على نفسه بركات كتير بدون ما يحس.في الحلقة دي هنتكلم:•ليه الإنسان ممكن يبخل؟•يعني إيه “ويأمرون الناس بالبخل”؟•إزاي البخل بيأثر على حياتنا وعلاقاتنا؟•وإزاي الكرم – مش بس المادي – بيغيّر حياة الإنسان من جوّه؟حلقة هادية، واقعية، وهتتكلم من قلب الآية لقلبك

في الحلقة دي من “في نور آية”، بنتأمل في قوله تعالى:“استكبارًا في الأرض ومكرَ السيئ، ولا يحيق المكرُ السيئُ إلا بأهله.”رحلة هادية بنكتشف فيها معنى الاستكبار والمكر،وإزاي الظلم مهما لفّ، بيرجع في النهاية على صاحبه.تأمل… وطمأنينة… ونور من آية 💫