فِي نُورِ آيه

عمرك سألت نفسك: ليه بنبتلى؟ وليه أوقات بنمرّ بحاجات أكبر من قدرتنا على الفهم والتحمّل؟ وهل كل ابتلاء عقوبة، ولا ممكن يكون وراه حكمة إحنا لسه مش شايفينها؟في الحلقة دي من في نور آية، هنتكلم عن الابتلاء بمعناه الأوسع؛ مش بس المرض والفقد والوجع، لكن كمان النعم اللي بنعيش فيها، والجمال والمال والأولاد وكل حاجة ممكن نحبها ونتعلّق بيها. لأن الاختبار مش دايمًا بييجي في صورة وجع، ساعات بييجي في صورة نعمة.هنتأمل سوا في معنى قوله تعالى: ﴿وَنَبْلُوكُم بِالشَّرِّ وَالْخَيْرِ فِتْنَةً﴾، وهنحاول نفهم إزاي نتعامل مع أوقات الشدة، وليه مش كل ابتلاء معناه إن ربنا غضبان علينا، وإزاي نفضل ندعي حتى لو الإجابة اتأخرت، ونحسن الظن بربنا حتى وإحنا مش فاهمين الحكمة.يمكن مش هنلاقي إجابة لكل سؤال، لكن يمكن نخرج من الحلقة دي بنظرة مختلفة للابتلاء… ونفتكر إننا مش مطالبين نفهم كل حاجة بتحصل لنا، لكن نحاول نتمسّك بربنا وإحنا بنعدّي منها.يمكن اللي بنشوفه وجع، يكون وراه خير لسه ما عرفناهوش… ويمكن الحكمة تتأخر عن فهمنا، لكن رحمة ربنا أوسع من خوفنا. 🤍اللهم ارزقنا الصبر وقت البلاء، والشكر وقت الرخاء، وحُسن الظن بيك في كل وقت.🎙️ في نور آية — مساحة نتأمل فيها آيات ربنا، ونشوف أثرها في حياتنا.

Powered by Podeo — Listen to this episode

كم مرة قولت: “هبدأ بكرة”؟وبكرة دي عمرها ما جت…في الحلقة دي هنتكلم عن التسويف، وليه بنفضل مأجلين خطوات كان ممكن تغيّر حياتنا، ونتأمل في قول الله تعالى: ﴿فَإِذَا عَزَمْتَ فَتَوَكَّلْ عَلَى اللَّهِ﴾. يمكن تكون الحلقة دي هي أول خطوة كنت مأجلها من زمان

Powered by Podeo — Listen to this episode

في أولى حلقات الموسم الثاني من «في نور آية» بنتكلم عن النية…عن المشاعر الصغيرة التي تبدأ داخل القلب، ثم تكبر حتى تغيّر الإنسان بالكامل.ومن قصة إخوة سيدنا يوسف، وتأمل في قوله تعالى:﴿وَلَا تَكُونُوا كَالَّتِي نَقَضَتْ غَزْلَهَا مِن بَعْدِ قُوَّةٍ﴾بنحاول نفهم كيف يمكن للنية أن تبني الإنسان… أو تهدمه من الداخل.

Powered by Podeo — Listen to this episode

مش كل كلام حلو دليل على صدق،ومش كل نصيحة دليل على التزام.في الحلقة دي بنتأمل في آيات بتكشف الفرق بين اللسان والقلب،وبتعلّمنا إن ربنا يعلم السر وأخفى،وإن النجاة مش في المدح ولا في الإعجاب…لكن في صدق النية، واستقامة الفعل.

Powered by Podeo — Listen to this episode

مش كل الأيام زي بعض.في السنة أربع شهور عظّمهم الله، وجعل لهم حرمة خاصة.في الحلقة دي بنحاول نفهم معنى الأشهر الحُرُم، وليه ربنا اختار أوقات نهدى فيها ونراجع قلوبنا قبل أفعالنا.

Powered by Podeo — Listen to this episode

في الحلقة دي بنتكلم عن الطمع… مش كعيب مطلق، لكن كصفة ليها وجهين.طمع يفسد القلب ويضيّق الروح، وطمع تاني محمود يخلّي الإنسان يسعى وهو مطمّن.هنفرّق بين الطموح المشروع والجشع، وبين السعي اللي يقرّب من ربنا والطمع اللي يسرق الرضا.

Powered by Podeo — Listen to this episode

في الحلقة دي بنتأمل مع بعض في واحدة من أحنّ وأجمل آيات القرآن: “قل يا عبادي الذين أسرفوا على أنفسهم لا تقنطوا من رحمة الله”.هنتكلم عن معنى الرحمة اللي ما بتقفّش، وعن باب التوبة اللي مفتوح مهما كانت الأخطاء، وعن إزاي الآية دي ممكن تكون بداية جديدة لأي حد شايل ذنب أو تعب في قلبه.

Powered by Podeo — Listen to this episode

في الحلقة دي من بودكاست “في نور آية”، بنتكلم عن معنى اليقين الحقيقي…إزاي القلب يثبت حتى لو كل شيء حواليه بيتهز؟وإزاي آية واحدة من القرآن تقدر تطمنك وتبني جواكي قوة ما تتكسرش.

Powered by Podeo — Listen to this episode

في الحلقة دي من بودكاست “في نور آية”، هنتأمل آية من سورة الزخرف بتكشف حقيقة العلاقات يوم القيامة…إن مش كل صحبة هتفضل سند، وإن الصحبة اللي بتبعدك عن ربنا هتبقى عداوة،أما الصحبة اللي تقرّبك للنور… فهي اللي تدوم.

( الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ )

Powered by Podeo — Listen to this episode

في حلقة النهارده من بودكاست “في نور آية”، هنقف مع آية من سورة الحديد بتكشف جزء مهم من طبيعة الإنسان…آية بتوري إزاي البخل مش بس إنك تمنعي مال، لكنه أحيانًا بيكون منع للخير، وللكلمة الحلوة، وللدعم، وللمشاركة…وإزاي الإنسان اللي يمنع الخير عن نفسه وعن الناس، بيضيع على نفسه بركات كتير بدون ما يحس.في الحلقة دي هنتكلم:•ليه الإنسان ممكن يبخل؟•يعني إيه “ويأمرون الناس بالبخل”؟•إزاي البخل بيأثر على حياتنا وعلاقاتنا؟•وإزاي الكرم – مش بس المادي – بيغيّر حياة الإنسان من جوّه؟حلقة هادية، واقعية، وهتتكلم من قلب الآية لقلبك

Powered by Podeo — Listen to this episode