शहर, बजारमा बस्दै आएकाहरु दशैँ मनाउन घर फर्केसँगै यति बेला गाउँघरमा मानिसहरुको चहलपहल बढेको छ । कोरोना महामारीका कारण गत वर्ष गाउँ फर्कनेको संख्या न्यून थियो । तर, यस वर्ष भने गाउँ फर्कनेको संख्या दोब्बरभन्दा बढीले बढेसँगै शहरी क्षेत्र सुनसान भएको छ भने गाउँघरमा रमझम देखिएको छ । कोरोना महामारी कायमै रहेपनि शहरी क्षेत्रमा रहेका धेरै जसोले खोप लगाएको तथा संक्रमण दर न्यून रहेको र सबै क्षेत्र खुला हुँदा दशैँमा घर जान सहज भएको छ । जसका कारण गाउँघरमा उत्साह छाएको छ ।