Sen fútbol profesional galego nesta fin de semana, a 1ª RFEF foi a gran protagonista do Galicia en Goles deste sábado.

O Deportivo afianzou o liderado tras vencer pola mínima ao Unionistas, cun solitario tanto de Barbero. Os coruñeses aumentan a tres puntos a distancia co Barcelona Atlético, que tan só puido empatar a un gol co Arenteiro.

A nota negativa chegaba no Anxo Carro, cunha nova derrota do Lugo, desta vez ante o Tarazona.

No polideportivo o Cangas asegurou o posto de promoción tras vencer ao Cuenca. Agora a salvación directa está a tan só dous puntos.