No Galicia en Goles deste domingo o prato forte fíxose agardar. No último encontro da xornada, Balaídos acolleu un trepidante partido entre o Celta e o Barcelona, que rematou con vitoria culé por dous goles a catro. O gran protagonista do encontro foi Robert Lewandoski, autor de tres goles dos catro anotados polo equipo catalán.

No fútbol da federación o Lugo empatou en Guadalajara, a Sarriana fixo o propio en Luanco e o Coruxo gañou na prolongación no Vao ante o Lealtad.

A gran nova da tarde do sábado chegaba na 1ª FEB, coa vitoria do Básquet Coruña na cancha de Estudiantes. o equipo dirixido por Carles Marco segue invicto e líder da categoría.