Oito anos despois o Celta volverá competir en Europa. O conxunto de Claudio Giráldez remontou no Coliseum para rematar gañando ao Xetafe e conseguir o billete para a Europa League. O emocionante partido, a festa posterior na localidade madrileña e a que se foi formando na cidade olívica foron o prato principal dun Galicia en Goles que tamén contou a última xornada da liga regular en 1ª RFEF, coa salvación do Lugo e a derrota do Rácing de Ferrol en Albacete.