«Արևոտ խոհարարը» մանկական գիրքը Գյումրիում գործող «Արեգակ» ներառական փուռ-սրճարանում աշխատող դաունի համախտանիշով տղայի՝ Հովհաննես Մարգարյանի մասին։Գրքի հեղինակ Գայանե Աղաբալյանի խոսքով՝ պատմությունը գրել է, երբ սովորում էր Ամերիկյան համալասրանի անգլերեն և հաղոդրակցություն բաժին 4–րդ կուրսում և պետք էր «Մանկական գրականություն» առարկայի համար վերջին աշխատանքը ներկայացնել։ Այն ժամանակ, երբ գիրք էր գրում, ուներ միայն սրճարանում արված մի լուսանկար։ Գայանեն մտածում էր, որ առավել մանրամասն ներկայացնելու համար կգնա Գյումրի, կզրուցի Հովհաննեսի և մայրիկի հետ, բայց համավարակը խոչընդոտեց և նույնսիկ առանց թույլտվության այդ պատմությունը ներկայացրեց համալսարանում։