Hoe sluit ons die Onse Vader gebed af? "Want aan U behoort die koninkryk en die krag en die heerlikheid, tot in ewigheid." Aan God behoort die koninkryk. Aan God behoort die krag. Aan God behoort al die heerlikheid. Ons bid dit alles van God, omdat Hy as Skepper en Koning, mag oor alles het, en omdat Hy aan ons alle goeie dinge wil en kan gee. Daarom sal ons Sy heilige naam vir ewig prys, en Hom alle eer gee. Alle heerlikheid kom Hom toe.