Tanong 125. Ano ang ika-apat na pagsamo? Bigyan Mo kami ngayon ng aming kakainin sa araw-araw. Na ang ibig sabihin ay: Ipagkaloob Mo sa amin ang lahat ng aming pangangailangang pangkatawan nang sa gayon ay kilalanin namin na Ikaw lamang ang tanging pinagmumulan ng lahat ng mabubuting bagay, at na ang aming pag-iingat at pagsisikap, at pati na ang Iyong mga kaloob, ay hindi makagagawa ng kabutihan sa amin nang wala ang Iyong pagbabasbas. Kung kaya’t ipagkaloob Mo sa amin na talikuran namin ang pagtitiwala sa lahat ng mga nilikha at ilagak lamang ito sa Iyo.