Gudden Noper

De Chris an de Klot waren dës Kéier live op der Bün vun der City Concorde. Ob e Centre Commercial wirklech déi richteg Plattform ass, a wisou ëmmer nach vill Leit shoppe ginn, alles dat héiert dir an dësem Podcast.

P.S. Entschëllegt datt mir dës Kéier e bëssen ofgelenkt waren, mir hunn eis och missen ëm eist Live-Publikum këmmeren

Dës Kéier geet et em de wëlle Westen vun den USA, Fitness an Italien, eng kal Nues am Boot, en neien Mindset duerch d'Jennifer Lopez a Real Talk fir all Geschlechter.

An dëser Folleg goufen de Chris an de Klot zu 100% duerch Artificial Intelligence ersat. Net wierklech, awer bal. Lauschtert era wa mir erëm eist geféierlecht Hallefwësse präisginn.

De Chris an de Klot kucke kuerz zréck op 2022, a woen och en Ausbléck op 2023. Den ideale Start an d'Joer, inklusiv dem engen oder aneren Tipp fir och am neie Joer e gudden Noper ze sinn.

De Chris an de Klot hunn de Lëtzebuerger Hip Hopper a Produzent Tun Tonnar ugeruff fir mat him iwwert d'Lag vun der Natioun ze schwätzen. Niewent Theme wéi d'Fussball WM an däischter Zäiten hu mir awer och e Virgrëff op d'Wiel vun der Sportlerin vum Joer gemaach an och scho fläisseg gratuléiert.

Mobilité douce gëtt grouss geschriwwe beim Gudden Noper. Mir hunn an dëser Folleg nach eemol op dem Yannick Lieners säi Plooschterprojet opmierksam gemaach, hunn awer och den een oder aner Ausflug an d'Musekswelt gewot.

En True Crime mam Chris, wéi och d'Jugendwuert vum Joer mam Klot.

Et gëtt Neies aus der Noperschaft. No kuerzer Abstinenz huelen de Chris an de Klot iech erëm mat an d'Welt vum ganz geféierlechen Hallefwëssen. Lauschtert eran!

E Summer zu Lëtzebuerg? E realisteschen Zenario, an dofir gi mir iech praktesch Tipps wou dir är 50€ Bongen am cleversten aléise kënnt.

De Chris hëlt iech mat an d'music history an erkläert iech wisou et sech lount bei verschiddene Lidder ganz genau nozelauschteren. Desweideren huet de "Lëtzeboier" och erëm en Optrëtt an der Sendung.

De Chris an de Klot schwätzen iwwert dem Chris säi Gesangstalent, dem Klot seng Adoptioun vun engem Flamingo a si schwelgen a Kandheetserënnerungen. Et ass e Bewosstsinn opkomm datt vill vun onse Problemer Luxusproblemer sinn. Ënner anerem stinn en Tour an eis Kichen, eng Rees a Nordkorea an an dat asiatescht Paräis um Programm.

De Gudden Noper huet haut Besuch vum Paule Kremer. D'Paule schwëmmt (hoffentlech) am Summer de Catalina-Channel a Kalifornien. Mir schwätzen awer och iwwer geféierlech Kommunikatioun via WhatsApp, erkläre wisou ee gottseidank net méi bei den Eltre vun de Kolleegen uruffe muss a ginn iech och den een oder anere Buchtipp.