مرحبا بيكوم مستمعي إذاعة l'ODJ Radio ففقرةhacks week، الفقرة اللي كنرافقكوم من خلالها أنا عائشة بوسكين   فمجموعة من les astuces اللي كيسهلو حياتكوم اليومية

أول حاجة مستمعينا كتبادر في الذهن ديالنا مين كنبغيو نشريو سمارتفون جديد  هي la batterie، أو خصوصا عند الناس اللي كيستخدمو هواتف APPLE، لكن الأمر المهم اللي خاصكوم تنتبهو ليه هو أن الشحن الخاطئ هو اللي غالبا كيؤدي لموت batterie 

 أجيو تعرفو مستمعينا على الطرق الفعالة للحفاظ على حياة البطارية ديالكوم 

أول خطوة مستمعينا هي  أنكم تجنبو تخليو الهاتف ديالكوم يسالي ليه la charge حتال 15 فالمية، تكنولوجيا هاد الحالة تعرف باسم الموت 

شنو لكيخلينا نوصلو لهاد الحالة، السبب هو أنه مين كتخلي الهاتف ديالك يوصل ل 15 فالمية أولا 0 فالمية،  هادشي كيقلل من عدد الدورات المتبقية على خلية أيونات الليثيوم، 

وكلما قل عدد الدورات،  كلما قل مقدار الشحن اللي ممكن يتحملو عمر البطارية

ثاني خطوة هي أنك تحاول تخلي la charge ديال الهاتف ديالك بين 65 في المية و 75 في المية لأطول مدة ، ساهلة تقولها لكن إذا ماقدرتيش عليها ممكن تخليه بين  45 في المية و 75 فالمية

ثالثا، أكثر حاجة كتخرج على batterie هي تنساو الهاتف في الكهرباء واخا تشارجا، أو كذلك خاصكوم مستمعينا تجنبو تحطوه فمكان سخون أولا بارد بزاف، ومن الأفضل الحرارة تكون ما بين 20 و30 درجة مئوية

آخر نصيحة واللي ربما أكثر المستخدمين كيتجاهلوها، هي نوعية الشاحن اللي كيستعملو من الأحسن أن يكون الشاحن أصلي باش هاكدا تجنبو تخرجو على batterie أو كذلك تجنبو الكثير من حواذث الاحتراق اللي كتجي غالبا من هاد النوع ديال les chargeurs 

Hébergé par Ausha. Visitez ausha.co/politique-de-confidentialite pour plus d'informations.