Bítlarnir eru besta hljómsveit sögunnar og John mikilvægasti Bítillinn. Já þetta eru sannarlega fullyrðingar en höfum þetta svona í dag. Og ég ætla að bæta um betur og segja: jólalag Lennons – Happpy Christmas - War is over er hugsanlega og líklega og jafnvel það Bítlalag (köllum það Bítlalag) sem á eftir að lifa lengst allra Bítlalaga.

Við köfum við tilurð lagsins í Rokklandi dagsins og skoðum hvaðan það kom - og hvað var að gerast í lífi Bítlastrákanna á þessum tíma rétt eftir að hljómsveitin lagði upp laupana árið 1970-1971.

Við kíkjum líka á Akranes og hittum þá Jón Jónsson, KK, Mugison og Þorleif Gauk í Bíóhöllinni á Akranesi, en þeir komu við þar rétt fyrir jól.