Հետաքննող Լրագրողներ

Հոկտեմբերի 10-ին տեղի ունեցավ Վայոց ձորում գտնվող #Ամուլսար ի ոսկու հանքավայրի շահագործման հանդիսավոր արարողությունը։ Բազմիցս քննարկված և քննադատված հանքավայրի շահագործման առնչվող ռիսկերի կառավարման հարցը շարունակում է արդիական մնալ։ Հանքավայրի բաժնեմասի 12.5 տոկոսը կառավարությանը փոխանցվելուց հետո մյուս սեփականատիրոջ հետքերը տանում են #օֆշոր ային գոտիներ՝ Սեյշելյան և Բրիտանական Վիրջինյան կղզիներ և Արաբական Միացյալ Էմիրություններ։

«8-րդ հարկ» #փոդքասթ ի այս թողարկմանը Ամուլսարի հանքավայրի շահագործման թեման քննարկել են «Հետքի» գլխավոր խմբագիր Էդիկ Բաղդասարյանը և «Հետքի» տնտեսական լրագրող Սեդա Հերգնյանը։

Սևանա լճի հարևանությամբ #ցեմենտ ի գործարան կառուցելու ծրագիրը կանխվել է։ Շրջակա միջավայրի նախարարության փորձաքննական մարմինը բացասական եզրակացություն է տրամադրել #Ծովագյուղ ի նախկին #համայնք ապետ, գործարար Վահրամ Գևորգյանի նախաձեռնությանը։

«8-րդ հարկ» փոդքասթի այս թողարկմանը «Հետքի» լրագրող Հայկ Մակյանը ներկայացնում է բնապահպանական խիստ զգայուն գոտում ցեմենտի գործարան կառուցելու ծրագրի չիրականացման պատճառները, գաղափարի հեղինակ գործարարի վերաբերյալ աղմկոտ պատմությունները։

Ամեն տարի Հայաստանի շինհրապարակներում ավելի քան երկու տասնյակ մարդ է մահանում։ Պատճառն անվտանգության կանոններին չհետևելն է։ 2023 թ.-ից մինչև այս տարվա հունիս ամիսը #շինարարության ժամանակ #մահացել է 80 մարդ։ Բացի այդ, ամեն տարի մարմնական վնասվածք ստանալու հարյուրավոր դեպքեր են գրանցվում։ «8-րդ հարկ» փոդքասթի այս թողարկումը շինարարության ժամանակ մահվան, մարմնական #վնասվածք ստանալու դեպքերի, դրանց պատճառների և պատասխանատուների մասին է։ «Հետքի» լրագրող Արմեն Ղազարյանն ամփոփել է վերջին տարիներին գրանցված դեպքերը, խոսել պատասխանատվության թույլ միջոցներից, քրեական վարույթների դանդաղ ընթացքից և մեղմ դատավճիռներից։ 

2020 թ․-ի 44-օրյա պատերազմում հայկական կողմի կրած պարտության պատճառների փնտրտուքը չի դադարում։ #Պատերազմ ի ընթացքում և դրանից հետո «Հետքը» բազմաթիվ հրապարակումներ է ունեցել մարտական գործողությունների մասին։ #Ջրական ից մինչեւ #Շուշի տեղի ունեցած ռազմական գործողությունները վկայությունների միջոցով ներկայացնելուց բացի առանձին ներկայացրել ենք նաև անհետ կորածների և պատերազմում զոհվածների պատմությունները։

«8-րդ հարկ» փոդքասթի այս թողարկմանը «Հետքի» գլխավոր խմբագիր Էդիկ Բաղդասարյանն ու լրագրող Հայկ Մակիյանը խոսել են պատերազմական գործողություններից, բանակի կառավարումից, զորքերի համալրումից և այլ թեմաներից։

Հայաստանի և #Ադրբեջան ի տարածքում կան անկլավներ։ Հայաստանում են Վերին Ոսկեպարը, #Տիգրանաշեն ը, Սոֆուլու-Բարխուդարլուն, իսկ Ադրբեջանում՝ #Արծվաշեն ը։ Այս բնակավայրերի փոխանակման կամ վերադարձի հարցը վերջին տարիներին Հայաստանում քննարկվող հիմնական թեմաներից են։ Նախորդ շաբաթ վարչապետ Նիկոլ Փաշինյանը մամուլի ասուլիսում կրկին խոսեց անկլավների հարցը լուծելու իր մտադրությունից։

«Հետքը» հունիս ամսին հոդվածաշարով (https://www.hetq.am/hy/tag/enclaves) անդրադարձել է անկլավների թեմային՝ ներկայացնելով երկու երկրների տարածքում անկլավների ի հայտ գալու ժամանակագրությունը։ «8-րդ հարկ» փոդքասթի շրջանակում «Հետքի» լրագրող Վահե Սարուխանյանը ներկայացնում է անկլավների ի հայտ գալու պատմությունը՝ հիմնվելով նաև խորհրդային տարիների քարտեզներում առկա նշումների վրա։ 

***
2026 թվականի հունիսի 30-ին HetqTV Յություբյան ալիքում հրապարակված փոդքասթը խմբագրվել է՝ հաշվի առնելով, որ դրանում պարունակվող՝ Դենիս Կացիվին վերաբերող առանձին պնդումներ չեն համապատասխանում իրականությանը։
***

2026 թ․-ի փետրվարին Շվեյցարական բանկից Հայաստան է փոխանցվել 523 հազար շվեյցարական ֆրանկ։ #Գումար ը պատկանել է ռուսաստանցի գործարար Դենիս Կացիվին։ Նա կապ է ունեցել «Մագնիտսկու գործ» անունը ստացած խմբի հետ, որոնք հանցավոր ճանապարհով ձեռք բերած 230 միլիոն դոլարը հանել են #Ռուսաստան ից և փորձել են օրինականացնել։

2026 թ․-ի հունիսին «Հետքում» հրապարակվել է ««Մագնիտսկու գործի» հետքերով. կասկածելի կես միլիոն ֆրանկը Շվեյցարիայից հասել է Հայաստան» վերնագրով հետաքննությունը։ Հեղինակը «Հետքի» գլխավոր խմբագիր Էդիկ Բաղդասարյանն է, ով «8-րդ հարկ» փոթքասթի ժամանակ ներկայացնում է գործարքի մանրամասները և անդրադառնում է #Հայաստան ի ֆինանսաբանկային համակարգի ստվերային կողմերը։

#Արցախ ի հայաթափմանը նախորդած #ռազմական գործողությունների հետևանքով #անհետկորած է համարվում 15 անձ, որոնցից 5-ը քաղաքացիական անձինք են։ «Արցախյան վերջին մարտեր. անհետ կորածների հետքերով» լրագրողական հոդվածում իմի է բերվել անհետ կորած անձանց պատմությունները։ 2023 թ․-ի սեպտեմբերի 19-ին Արցախում տեղի ունեցած 1-օրյա պատերազմի մասնակիցների և նրանց հարազատների վկայությունների միջոցով «Հետքը» ներկայացրել է այդ անձանց անհետ կորելու հանգամանքները։ 

«8-րդ հարկ» փոթքասթի այս թողարկմանը «Հետքի» լրագրողներ Հայկ Մակիյանը և Արմեն Ղազարյանը պատմել են, թե ինչպես են վերականգնել 2.5 տարի առաջ տեղի ունեցած իրադարձությունները։ Փոթքասթի ժամանակ քննարկվել են որոնողական աշխատանքների արդյունքները, անձանց անհետ կորելու հնարավոր վարկածները և այլ թեմաներ։

Խորհրդարանական ընտրությանը նախորդող ամիսներին և հատկապես նախընտրական քարոզչության փուլում սոցիալական ցանցերում ակտիվ #գովազդ վում է քաղաքական բովանդակություն։ «8-րդ հարկ» փոդքասթի հերթական թողարկումը նվիրված է սոցցանցերի քաղաքական գովազդին, դրա ֆինանսավորմանը և այլն։ «Հետքի» լրագրողներ Նարե Պետրոսյանը և Արեն Նազարյանը ուսումնասիրել են գովազդային նյութերը, պարզել են որոշ գովազդների ֆինանսավորման շրջանակը։

#Փոդքասթ ի 9-րդ էպիզոդում լրագրողները ներկայացնում են նաև դեռևս չհրապարակված ուսումնասիրության արդյունքները(ընդդիմադիր էջերի գովազդների վերաբերյալ)։ Ավելի վաղ «Հետքում» հրապարակվել է «Ստվերային քարոզչություն. ինչպես են #ՔՊ -ի թեզերը տարածվում սոցցանցերում» վերնագրով հոդվածը, որտեղ ներկայացված են «ՔՊ»-ի թեզերը տարածող և գովազդող էջերը, ֆեյսբուքի թափանցիկության քաղաքականության շրջանցման դեպքերը և այլն։ 

«8-րդ հարկ» փոդքասթի հերթական թողարկումը Երևանի կառուցապատման և մեծածավալ շինարարության բացասական ազդեցության մասին է։ «Հետքի» լրագրողներ Արեն Նազարյանը, Արմեն Ղազարյանը և Տիրայր Մուրադյանը զրուցել են Երևանի ջրամատակարարման ժամանակացույցի փոփոխության, Երևանում իրականացված խոշորամասշտաբ շինարարության մասին։

Նախորդ տարի «Հետքն» ուսումնասիրել էր Երևանի #Արաբկիր վարչական շրջանում կառուցված ու կառուցվող բնակելի համալիրների քաղաքաշինական ծրագրերը։ Պարզել էինք, որ նոր շենքերը ծանրաբեռնել էին ջրի, էլեկտրաէներգիայի և #գազ ի մատակարարման համակարգերը։ 

«8-րդ հարկ» փոդքասթի հերթական թողարկումը պետական պաշտոնյաների կողմից տեղեկատվության տրամադրումը մերժելու մասին է։ #Հետք ի լրագրող, փաստաբան Գրիշա Բալասանյանը և լրագրող Տիրայր Մուրադյանը զրուցել են տեղեկատվության մատչելիության, գրավոր հարցումների և դրանց վերաբերյալ դատական գործերի ընթացքի մասին։ 

Տեղեկատվություն ստանալու նպատակով դատական գործերը, սովորաբար, տարիներ են տևում, որից հետո ստացվող տեղեկատվությունը կորցնում է արդիականությունը։ Պաշտոնյաները, հաճախ կամայական մերժումներով, խոչընդոտում են լրագրողների՝ տեղեկատվություն ստանալու իրավունքի իրացմանը։ Այդ վարքագիծը բարդացնում է լրագրողների աշխատանքը, որի հետևանքով տուժում է նաև հանրությունը։