Johnny singer 81

حلم بيضيع - جوني

Listen Later
كل بنت النور بيبكي
بين إيديها بصوت بريء
اسألوها واسألوا
عني القهاوي والطريق
اقتلوا الحزن بإيديكم
بس قبل ما تقتلوه
حطُّوا صورة من ماضيكم
جنب صورتي واسألوه
اسألوا عني حبيبتي
اللي سمِّيتها الحياة
اللي لما كرهها صاحبي
كنت بأهرب من لُقاه
كان ما بينَّا النور بيحبي
وهيَّ عايزة الليل معاه
بتعاتبني وفـ عينيها
ضحكة مشتاقة لدفاه
اسألوا عني ابتسامتي
أصلها بتدبل أوام
مش مهم إذا كنت بأفرح
وللا بأضحك والسلام
اللي باقي من ماضيَّا
جرح مش عارف ينام
حلم بيضيع من إيديَّا
بأخنقُه وسط الكلام
------------------
كلمات وألحان: أنطونيوس نبيل
عود: عمار سيد
ناي: حسين درويش
...more
View all episodesView all episodes
Download on the App Store
Johnny singer 81By Johnny singer 81