Johnny singer 81

حياة فارس مهزوم - سكيزوفرينيا

Listen Later
اغترابي فـ جلدي حالة
ابتدت جوَّايا من لحظة ميلادي
الخلاص منها استحالة
والمصيبة إن البشر بيقولوا عادي
عادي جداً تبقى واحد تاني غيرك
عادي لما فـ ضحكتك يقدر يزاحمك
عادي لما تشوفه بيحدِّد مصيرك
عادي لما عروقُه تتسرسب فـ لحمك
عادي جداً يستلف منك ملامحك
وفـ مرايتك تبقى شايفُه ويبقى شايفك
عادي يبدأ فـ احتلال حلمك وجرحك
تيجي تنطق تلقى صوتُه بين شفايفك
عادي عادي عادي عادي
عادي عادي عادي عادي
البشر بيقولوا عادي
عادي جداً بيقولوها
كان ضروري
عشان يعيشوا يصدَّقوها
بس أنا باصرخ وانادي
ليه أسيب غيري يقاسمني
فـ اللي فاضل لسَّه منِّي
ليه ماقررش إني أحاربُه
وإني أخلص
من خيانتُه ومن مقالبُه
إني اكون وحدي اللي باضحك
وإني اكون وحدي اللي بأبكي
ليه ماتبقاش روحي دايمًا
شئ بأصدّق انه ملكي
......................
كلمات وألحان: أنطونيوس نبيل
توزيع: أحمد العسَّال
...more
View all episodesView all episodes
Download on the App Store
Johnny singer 81By Johnny singer 81