Inexa Gaxen, beste euskal herritar askok bezala, inkisizioaren mamuak jarraitu zuen. Etxetik jasotako sendabelarren jakintza zabaldu eta praktikatu zuen. 1609an izan zen atxilotua lehen aldiz baxenafartarra eta bortizki torturatu zuten. Frogarik ez eta libre geratu zen, baina berarekin eramango zituen torturen aztarnak betirako. Hondarribian ezkondu eta han ere bizilagunek sorginkeriaz salatu zuten. Kalbarioa errepikatu eta azkenean Hendaiara kanporatua izan zen beste bost hondarribitarrekin batera. Inexa Gaxenen arrastoa hor galdu zen. Badugu zer ikasi garai haietako emakume kementsuengandik Joseba Aurkenerenaren aburuz.