-Nuevu programa mensual d'Iniciativa pol Asturianu nes Ondes-

Nel programa d'esti mes cuntamos con trés convidaos:

Entamamos col Presidente d'Iniciativa pol Asturianu nes Ondes, Inaciu Galán, col que facemos un repás a les anuncies y noticies más destacables al rodiu'l nuesu idioma.

Contautamos con Alba López Carballo del Club Popular de Cultura Llaranes cola qu'afondamos nes actividaes que faen nesti pobláu averáu a la ciudá d'Avilés.

Rematamos el nuesu programa con una charra perprestosa con Xuan Xosé Sánchez Vicente, veteranu políticu asturianu que mos cuntará cómo se vivió aquella primer manifestación "Bable nes Escueles" de fai cuarenta años y el procesu de la introducción del asturianu nel primer Estatutu d'Autonomía d'Asturies.

Música: Trasmerana del Discu Lliendes (2006) del grupu asturianu Xera

TOLES MESES INICIATIVA TA NES ONDES

Sienti’l programa radio de l’Asociación “Iniciativa pol Asturianu” áu falaremos tolos meses na nuesa llingua y de la nuesa llingua asturiana.

El programa radio d'Iniciativa pol Asturianu, dirixíu por Samuel Gradín, ufre a los oyentes de les emisores que collaboren cola organización y los siguiores de les nueses redes sociales, un programa mensual d’una hora de llargor onde puen sentise entrevistes, noticies, anuncies, etc que surden al rodiu l'asturianu.

Tate sollerte.....Iniciativa pol Asturianu nes Ondes......

TV y Radio 100% n’asturianu

www.alderiquesdasturies.com

Producíu por Gomeru Producciones